Ордабасының жалпы демографиялық жағдайы туралы белгілі болды. Жергілікті статистика ауданда туу көрсеткіші алдыңғы жылдармен салыстырғанда біршама өскенін аңғартады.
Ордабасы ауданында 2020 жылдын 1 тамызына барлығы 2906 азаматтық хал актісі тіркелген.
Бала туу көрсеткіші өткен жылғы есепті кезеңде 1637 болса, биыл ауданда демографиялық өсім бар. Жыл басынан бері 1973 нәрестеге туу туралы куәлік берілген.
Ордабасы ауданында халықты әлеуметтік қолдау бағытында нәтижелі жұмыстар атқарылуда. Өңірде қазіргі таңда 3834 «Алтын алқа» және «Күміс алқа» иегері бар
Елімізде төтенше жағдайға байланысты атаулы әлеуметтік көмек алушылар қатарындағы 6 жастан 18 жасқа дейінгі 1492 балаға бүгінге дейін 24 575,5 мың теңге ақшалай көмек төленген. Сонымен қатар, 937 отбасының 5206 адамына 226 млн.-нан астам қаржы атаулы әлеуметтік көмек үлестірілді.
«Жаппай кәсіпкерлікті дамыту» бойынша көпбалалы табысы аз отбасылардың мүшелері, табысы аз еңбекке қабілетті мүгедектер, 29 жасқа дейінгі жастар, жұмыссыздар қатарындағы 110 азаматқа жаңа бизнес идеяларды іске асыруға арналған грант беру жоспарланып, бұл мақсатқа 53 816,0 мың теңге қаржы бөлінді. ІІ тоқсанның қорытындысымен 39 адамның өтініші қанағаттандырылып, грант иегері атанды. Бұл азаматтарға 21209 мың теңге қаржы төленді. 16 азамат шағын несие алып, өз кәсібін ашты. Жыл басынан 245 азаматқа «Бастау Бизнес» кәсіпкерлік негіздері курстарына жолдама берілді.
Жалпы алғанда, Ордабасының демографиялық ахуалы жаман емес. Ауданда алға ілгерілеушілік пен жұмыссыздықтың бәсеңдегені байқалады.