Түркістан аймағы ел экономикасының дамуына, атап айтқанда ет және сүт өнімдерін өндіруге айтарлықтай үлес қосады. Сайрамдық «Рассвет» өндірістік кооперативі сүттен ірімшік пен сүзбе өнімдерін шығарады. 2014 жылдан бастап 20 адам кооператив қабырғасында тұрақты жұмыс істейді. Кәсіпорын Түркиядан келген заманауи қондырғылармен жабдықталған және тәулігіне 8-10 тонна сүт өңдейді.
Қазіргі уақытта өндірістік кооператив Karl және Sultan брендтерімен ірімшіктер шығарады. Бұл өнімдер Астана, Алматы, Шымкент қалаларында және Түркістан облысының аудандарында сатылады. Кәсіпорын басшысы Жанболат Медетбеков кооператив сүтті қайта өңдеу қуатын 10 тоннадан 50 тоннаға дейін арттыруды жоспарлап отырғанын айтты.
«Біздің кооперативтің негізгі өнімі - ірімшік және сүзбе. Біз шикізатты жергілікті фермерлерден сатып аламыз. Біз ірімшіктің екі түрін шығарамыз. Атап айтқанда, бұл таңғы асқа арналған Сұлтан ірімшігі және пицца жасауға арналған Карл ірімшігі. Бүгінгі күні біз күніне 10 тонна сүт өңдейміз, мемлекет тарапынан қолдау болған жағдайда бұл көрсеткішті 50 тоннаға жеткізуді жоспарлап отырмыз », - деді кооператив басшысы.