Ордабасы ауданына қарасты Қажымұқан ауыл округінде мал шаруашылығының жайы жақсарып, мал басы артып келеді. Бүгінде ауыл округінде 14 601 ірі қара, 4 810 жылқы, 69 550 уақ мал, 13 306 құс бар. Мал басын көбейту, асылдандыру бағытында округте мемлкететтік бағдарламалар арқылы шаруалар діттегендерін жүзеге асыруда.
«Сыбаға» бағдарламасымен 60 асыл тұқымды ірі қара мал алу жоспарланса, 95-і сатып алынып, тапсырма 158,3 пайызға орындалды.
«Алтын асық» бағдарламасы бойынша 304 уақ мал алу тапсырылса, орындалғаны – 350, тапсырма 115,1 пайызға орындалды.
«Құлан» бағдарламасы бойынша 30 асыл тұқымды жылқы алу тапсырылған, «Жан-2004» ӨК 35 мал алып, тапсырма 116,7 пайызға орындалды.
Шағын мал бордақылау алаңын құру жоспары – 4, нақтысы – 7 немесе 175 пайыз.
Шағын жанұялық сүт аулаларын құру жоспары – 3, нақтысы – 3 немесе 100 пайыз.
Сондай-ақ, мұнда Бруцеллезге, Сібір жарасына қарсы вакциналар бөлініп, егу жұмыстары жүргізілді. Көктемгі және күз айларында Қырым қанды қызбасына қарсы елді мекендердегі 486 876 шаршы метр аула мен қоралар, 93 432 шаршы метр суаттар мен мал иірімдері залалсызданырылып, малдар тоғытылды.