Шардарада қауын қақ өндіретін цех ашылады

 15.jpg


Мемлекет басшысы Қасым-Жомарт Тоқаевтың халыққа арнаған Жолдауында ауыл шаруашылығындағы еңбек өнімділігін екі жарым есеге арттыруды, ішкі нарықты отандық өнімдермен қамтамасыз етуді тапсырғаны белгілі. 

Осы мақсатта Түркістан облысы Шардара ауданында 2021 жылы 2,3 млрд тенгеге 4 жобаны іске асыру қолға алынып отыр. Соның бірі Достық ауылындағы «BS Agro Product» ЖШС-ң қауыннан қауын қақ дайындау жобасы. Өндіріс орнының жылдық қуаттылығы 200 тонна, жоба құны 500 млн теңгеден астам. Кәсіпорында тұрақты 25 адам жұмысқа орналастырылады. Бұл туралы Өңірлік коммуникациялар қызметінде өткен брифингте Шардара ауданының әкімі Қайрат Жолдыбай мәлімдеді.

Сондай-ақ, биыл жүзеге асар жобалардың бірі жеке кәсіпкер Т.Жалғасбаевтың балық өңдеу зауытының өндірісін кеңейту жобасы. Атап айтқанда, балықтың майы мен жемін шығару. Жоба құны 200 млн теңге. Бүгінгі таңға құрал-жабдықтары әкелініп, ғимараты салынған. Өндіріс іске асқан жағдайда 40 адамға жұмыс орны ашылады. Сонымен қатар, жеке кәсіпкер Б.Сариевтің гранулды жем шығару жобасы жүзеге асады. Ол іске асқан жағдайда 20 адамға жұмыс орны ашылады. Қазіргі таңға монтаждау жұмыстары жүргізілуде.

«2020 жылы аудандағы өнеркәсіп кәсіпорындары 9,9 млрд теңгенің өнімін өндірді. 2021 жылдың соңына дейін бұл көрсеткішті 10,6 млрд теңгеге жеткізу көзделіп отыр. Осы жылдың 4 айының өзінде өндіріс орындарында 5 млрд теңгенің өнеркәсіп өнімі өндірілген. 2020 жылдың қорытындысы бойынша негізгі қорға 32,1 млрд теңге инвестиция тартылып, өткен жылмен салыстырғанда 7,6 пайызға өскен. Есепті мерзімде 3,1 млрд теңге инвестиция тартылды. Жыл соңына негізгі капиталға тартылған инвестицияны 35 млрд теңгеге жеткізу жоспарланып отыр», - деді аудан басшысы.



Мүмкін сізді қызықтыратын тақырыптар:

  • Шардарада қауын қақ өндіретін цех ашылады
  • Шардаралық диқандар биыл 300 мың тонна өнім алады
  • Түркістанда 170 миллион көшет егіледі
  • Мақтааралда биыл 8 мектеп пайдалануға беріледі
  • Түркістанда 82 тұрғын үй салынып жатыр
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер