Сарыағаш полициясына Шымкент қаласының тұрғыны арызданды. Оның айтуынша өзінің танысы жеңілдетілген несиемен «Тойота 55» маркалы автокөлік алып беретінін айтып, 2 миллион 500 мың теңгесін алып кеткен. Алайда бүгінгі күнге дейін уәде етілген автокөлікті де, не өз ақшасын да ала алмаған. Аталған жайт Қазақстан Республикасы Қылмыстық кодексінің 190-бабы «Алаяқтық» бойынша тіркелді.
Түркістан қалалық Полиция басқармасының полицейлері жедел-іздестіру жұмыстарын жүргізу барысында, күдікті деп танылған жұмыссыз әйелді анықтады.
Белгілі болғандай, күдікті әйел жәбірленушіні алдап, ақшасын қалтасына басқан. Қазіргі таңда тәртіп сақшылары оқиғаның толық мән-жайын тексеруде. Түркістан облысының полицейлері азаматтарға сақ болумен, жақын таныс емес азаматтарға сенбеу қажеттігін еске салады.