Көшелерді түнгі жарық шамдармен қамтамасыз етудің маңызы зор. Осы негізде, ауданға қарасты Шаға ауылдық округінің Қазақстанның 30 жылдық елді мекенінде электр желілерін жаңартуға жоба жасақталып, жүзеге асырылды.
Аталмыш елді мекеннің Шакиров көшесі бойында жарықтандыру шамдары орнатылып, іске қосылды. Жарық беру қуаттылығы жоғары, қазіргі уақытта жиі қолданылатын жарық шамдар орнатылып, түнгі уақыттарда көше сәнін келтіруде.
Жарықтандыру жұмыстары «Жайлау-Агро» ЖШС мердігер мекемесі тарапынан орындалып, ел игілігіне пайдалануға берілгелі ауыл тұрғындары дән риза.