Туристерді тамаша табиғатымен тарта білген Қасқасуда демалыс орындарының саны жыл санап артып келеді. Ірі туристік жобалардың қатарындағы Қасқасу ауылдық округіндегі құны 187 миллион теңгені құрайтын «Top resort» демалыс орны 2022 жылдың мамыр айында іске қосылған болатын. Кешен тәулігіне 50 адамды қабылдайды.
Шатқал етегінде орналасқан коттеджерде барлық жайлылық жасалған. Қысы-жазы қонақтарды қабылдауға әзір демалыс кешенінде: жазғы тапшандар, банкет залы, жазғы терасса, өзен жағасында орналасқан сақ моншасы бар.
Орта Азиядағы ең биік нүктеде орналасқан (теңіз деңгейінен 1750 м) демалыс орнын көзбен көріп, демалып қайтқан дұрыс!