Полиция есірткі сатушыны қолға түсірді

95478738_880330262442663_7197169563690074112_o.jpg

Төлеби ауданының полицейлері кезекті есірткі сатушыны ұстады. Түркістан облыстық Полиция департаментінің баспасөз қызметі хабарлады.

Төлеби аудандық Полиция бөлімінің кезекшігіне ер азамат арызданып, Ленгір қаласы тұрғындарының бірі есірткі заттарын таратумен айналысатынын хабарлады. Аталған жайт ҚР ҚК-нің 297-бабының "есірткі заттарды, психотроптық заттарды, сол тектестерді өткізу мақсатында заңсыз дайындау, өңдеу, иемденіп алу, сақтау, тасымалдау, жөнелту немесе сату" бойынша СДТТБТ-не тіркелді.

Төлеби АПБ-нің полиция қызметкерлері жедел-іздестіру іс-шарасы барысында 6 мың теңге көлемінде есірткі затын сатқан күдіктіні құрықтады. Ол Ленгір қаласының тұрғыны болып шықты. Айғақты зат ретінде алынған есірткі затының жалпы салмағы 40 граммнан асатын "кептірілген марихуана" екені анықталды. Қазіргі уақытта аталған дерек бойынша сотқа дейінгі тергеу амалдары жүргізілуде. Күдікті қамауға алынды. Полиция қызметкерлері ұсталған күдіктінің басқа да осыған ұқсас қылмыстарға қатысы барын анықтауда.

Түркістан облысының полицейлері азаматтарға зиянды әдеттерден және есірткі тұтынудан бас тартуды ұсынады. Тәртіп сақшылары облыс тұрғындарын салауатты өмір салтын ұстануға шақырады.


Мүмкін сізді қызықтыратын тақырыптар:

  • Шардара полицейлері көлікті заңсыз айдап кеткен мас күдіктіні ұстады
  • Түркістан облысының полицейлері сора егумен айналысқан күдіктіні анықтады
  • Түйе ұрлаған күдіктіні кентаулық полицейлер ұстады
  • Жүргізу құқынан айырылса да мас хәлде көлік басқарып қолға түсті
  • Ұрыларды ұстаған полицейлерге алғыс айтты
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер