Киім ұрлап жазадан құтылып кете алмады

киим.jpg

Түркістан облысының әкімі Өмірзақ Шөкеевтің карантин кезінде құқықбұзушылықты болдырмау, заңбұзушылықтың алдын алу туралы тапсырмасы бойынша қырағылықты күшейткен полицейлер дүкеннен киім ұрлаған күдіктілерді ұстады

Ордабасы аудандық Полиция бөлімінің кезекші бекетіне Шұбарсу ауылында орналасқан "Балалар киімі" дүкенінің иесі хабарласып, тауары ұрланғаны туралы арызданған. Жас жігіттің айтуынша, күндіз оның дүкенінен белгісіз біреулер түрлі киімдерді ұрлап кеткен. Бұл жайт ҚР ҚК-нің 188-бабы "Ұрлық" бойынша Ордабасы АПБ-не тіркелді.
Оқиға орнына шұғыл жедел-тергеу тобы келіп, күдіктілерді анықтауға кірісті. Полиция қызметкерлері куәгерлерден жауап алып, бейнебақылау камераларын тексеріп, жақын маңдағы аумақтарды аралап шықты.
Жедел-іздестіру іс-шараларының нәтижесінде Ордабасы АПБ-нің полицейлері балалар киімін ұрлаған үш күдіктіні ұстады. Олар жергілікті тұрғындар болып шықты.
Тергеу барысында анықталғандай, олар дүкенге сатып алушылар ретінде кіріп, тауарларды байқатпай сөреден ұрлаған. Күдікті әйелдер істің барлық мән-жайын анықтау үшін полиция бөліміне жеткізілді.
Қазіргі уақытта аталған жайт бойынша сотқа дейінгі тергеу амалдары жүргізілуде. Күдіктілер қолхатта.
Өз кезегінде Түркістан облысының полицейлері азаматтарға қырағы болу және мүлкін қараусыз қалдырмау қажеттігін ескертеді. Дүкендерде және басқа сауда орындарында бейнебақылау камералары мен күзет дабылы орнатылуы қажеттігін естен шығармаңыздар.


Мүмкін сізді қызықтыратын тақырыптар:

  • Түркістан облысының полицейлері жоғалған 16 жасар қызды тапты
  • Түркістан облысының полицейлері тұрғынның ақшасын күштеп алған күдіктіні анықтады
  • Түркістан облысының полицейлері жайылымнан мал ұрлағандарды қылмыс үстінде ұстады
  • Түркістан облысының полицейлері такси жолаушысынан 550 граммға жуық есірткі затын тапты
  • «Қызыл кітапқа» енген 8 ақбөкенді заңсыз атып алған браконьерлер анықталды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер