Мемлекет басшысы Нұрсұлтан Назарбаев Ұлттық банк төрағасы Данияр Ақышевты қабылдады деп жазады 24.kz.
Еліміздің банк жүйесін қолдау үшін 3 трлн теңге бөлінді. Нұрсұлтан Назарбаев Ұлттық банк төрағасын қабылдау кезінде осылай айтты. Данияр Ақышев Мемлекет басшысына қаржы институтының бірінші жарты жылдық жұмысы бойынша есеп берді. Кездесуде Қазақстан Президенті валюта-қаржы нарығындағы тұрақтылықты сақтап, әрі қарай экономикалық дамуды қамтамсыз ету үшін елде барлық жағдай жасалғаны туралы әңгімеледі. Осы жылдың алғашқы алты айында ұлттық экономика өсімі 4 пайыздан асты.