Емделушінің логины мен құпия сөзі кез келген интернет қолданушыға қолжетімді болған. Бұл туралы RGMEDIA.KZ ақпараттық агенттігі «KZ-CERT» РМК баспасөз қызметіне сілтеме жасап хабарлады.
«KZ-CERT» РМК компьютерлік инциденттерге әрекет ету қызметі және NitroTeam ЖШС арасындағы меморандум аясында бірлескен шаралардың арқасында медициналық компания порталында сервер конфигурациясына қатысты ақау табылып, жойылды, деп хабарлайды «KZ-CERT» баспасөз қызметі.
«Осы ақаудың кесірінен компания порталында тіркелген емделушінің логины мен құпия сөзі кез келген интернет қолданушыға қолжетімді болған. Ал жүйеге қосыла алғандар емделушінің аты-жөні, телефон нөмірі мен email-адресі, сонымен қатар, медициналық талдау қорытындыларына қол жеткізген. Бұл жағдай тікелей ақпараттық қауіпсіздік саясатына қайшы» делінген хабарламада.
Бірақ, бұған кімдердің кінәлі екені айтылмады.