Шымкентте канализация құдығында екі жылдан астам жатқан мәйіт табылды

0c0100e1236e3684686a89e03374fd1f.png

Шымкентте канализация құдығынан әйел адамның мәйіті табылды. Марқұмның денесін әлдекімдер көрпеге орап, әдейі осында жасырып кеткен. Ұзақ уақыт жатып қалғандықтан марқұмды тану мүмкін емес. Тек, үстінде жеңіл киімдері ғана болған. Қазір, полицейлер мәйітті сараптамаға жіберіп, жеке басын анықтауға кірісті, деп хабарлайды Rgmedia.kz .

Бұл жағдай Теріскей шағын ауданы тұрғындарын елең еткізді. Мәйіт осындағы 46-ші көпқабатты тұрғын үйдің артындағы елеусіз шұңқырдан табылған. Шамасы күдікті бұл жерден ешкім жүре қоймайтынын біліп, әдейі жасырып кетуі мүмкін. Тереңдігі 2 метр болатын шұңқырдың ішіне мәйітті көрпеге орап, тастап кеткен. Алдын ала болжам бойынша, әйел адамның денесі бұл жерде екі жылдан астам уақыт жатып қалған. 

Көрпені ашып көргенде, ішкі киімдері мен адам қаңқасы ғана шыққан. Қазір, осы іс бойынша Еңбекші аудандық полиция бөлімі "кісі өлтіру" бабымен тергеу амалдарын бастап кетті. 

– Сот-медициналық сараптаманың қорытындысына сәйкес, әйел азаматшаның өлімі сараптамасына дейін бір жылдан астам уақыт бұрын орын алған. Мәйіттің сүйек-қаңқаларында жарақаттар анықталмады. Қазіргі уақытта мәйіттің жеке басын анықтауға және қылмысты ашуға бағытталған барлық жедел ісшаралар жүргізілуде, - дейді Шымкент полиция департаменті бастығының орынбасары Арман Мекенбаев. 

Теріскей шағын ауданында көпқабатты тұрғын үйлер өте көп. Тәуліктік және ұзақ мерзімге пәтер жалдап тұратындар да жетерлік. Сондықтан, марқұм осы маңда уақытша пәтер жалдап тұрған болуы да мүмкін дейді тұрғындар.

Тәртіп сақшылары төңіректегі әрбір пәтерге бас сұғып, соңғы 2-3 жылда іс-түссіз жоғалып кеткендер туралы ақпарат іздестіріп жатыр. Әзірге, бұл маңайдан туысын жоғалтқан жандар табылған жоқ. 

Айта кетейін, марқұмның жасы шамамен 30-да, ал бойы 155-160 сантиметр ғана екен. Қазір, мәйіт сараптамаға жіберілген. Егер қандай да бір ақпарат білетін азаматтар болса, Шымкенттегі Еңбекші аудандық полиция бөліміне хабарласуына болады.


Мүмкін сізді қызықтыратын тақырыптар:

  • Биыл қар әдеттегі нормадан 2 есеге көп түскен
  • Көшпелі форматтағы қоғамдық қабылдаулар көбейіп келеді
  • Қарағандылық уланған балалардан ішек инфекциясы табылмады – Министр Ажар Ғиният
  • Қарағандыда балалар уланған орталықтың басшысы мен 12 қызметкер жұмыстан шеттетілді
  • Қазақстанның бірнеше аймағында жанармай тапшылығы туындады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер