Шымкентте тоқ соғып, күйік шалған қыздың оқиғасына қатысты тың дерек жарияланды

Шымкенте тоққа түскен 15 жасар қыздың денесінің 91 пайызын күйік шалды. Жасөспірім теміржол үстіндегі көпірдегі темір қалқа торға шыққан. Телефонмен видео түсірмек болған кезде аспалы электр сымына жабысып өртене бастаған, деп хабарлайды КТК арнасы.

күйік шалған қыз.jpg

- Мына жерде бір отшашу сияқты атылды. Шашы сары қыз. Қимылдап жатты. Өртеніп, кәдімгідей жанып жатты. Мынандай шеттері жанып жатқан, ұзыннан жатты ғой ол қыз, осы жерде - дейді куәгер Мөлдір Жұмағұлова.

Оқиға орнында қыздың жанып кеткен киімінің шүберектері әлі торға жабысып тұр. Тіпті электр сымында қыздың шашы ілініп қалған. Куәгерлер осы маңда тұратын қыздың мұнда жиі келетінін айтады. Үнемі телефонға түсіріп жүретін дейді. Тик-токқа видео түсіргісі келді ме, әлде басқа жағдаймен қауіпті орынға көтерілді ме, оны ешкім әлі айта алмайды. Туыстары да ешкіммен тілдескісі келмейді. Ал сүйегіне дейін күйіп, денесінің 91 пайызы жанған қыздың өмірі үшін қазір дәрігерлер арпалысып жатыр.

- Электр жарақаты, термиялы күйіктің электр жалынымен 2-ші, 3-ші А, Б және 4-ші дәрежесі. Күйіктен естен танған. Туысқандарының айтуы бойынша және сол жердегі адамдардың айтуы бойынша, бір жарым, 1 сағат бойы өртенген. Үлкен биіктіктен құлаған - дейді Т.Орынбаев атындағы жоғары қысымды оксигенация орталығының бас дәрігері Мадина Ермаханбетова. 

Мүмкін сізді қызықтыратын тақырыптар:

  • Қуат Хамитов Ресейдегі кештің басты жекпе-жегінде жеңіліс тапты
  • Шымкент қаласында вакцина алғандар саны 93 пайызға жетті
  • Жаңа жолдауды түсіндіру жұмыстары жүргізілуде
  • Шымкенттегі әлеуметтік орталық жаңа автокөлікпен қамтылды
  • «TURAN» фольклорлы-этнографиялық ансамблінің «Folk & Symphony» концерті өтеді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер