Түркістан облысының полицейлері халыққа жақын полиция қағидатын қалыптастыруда аянбай қызмет етуде. Бұл туралы Полиция департаментінің жанындағы консультативті-кеңесші органның кеңесінде айтылды.
Түркістан облысы Полиция департаментінің мәжіліс залында өткен консультативті-кеңесші органның кеңесіне Полиция департаменті бастығының орынбасары Бағлан Халықов, Түркістан қаласының құрметті азаматы Баймахан Сүлейменов, БАҚ-ның өкілдері мен Түркістан облыстық ардагерлер кеңесінің төрағасы Оспанғазы Жанқожаев қатысты. Жиынға ҚР ІІМ Құрметті ардагері Есалы Нұржанов төрағалық етті.
Күн тәртібінде екі мәселе қаралды. Оның біріншісі, Полиция департаменті қызметкерлерінің жұмысын сервистік модельге көшіру мен сервистік полицияны құру аясында іске асырылатын жобалар. Бұл бойынша ТО ПД Әкімшілік полиция басқармасының бастығы полиция полковнигі Алмасхан Тастанбеков баяндама жасады.
– Қызметте және халықпен байланыс кезінде оң нәтижеге, тиімділікке қол жеткізу үшін сервиятік полиция қолдауды қажет етеді. Бірқатар өңірлерде халықааралық және отандық сарапшыларды тарта отырып, полицияның сервистік моделін сынақтан өткізу бойынша «пилоттық жобалар» іске асырылуда. Бұл өңірде Түркістан қаласындағы Сауран, Яссы мөлтек аудандары пилоттық аумаққа енгізілді. Бүгінде осы аумақтағы халықпен кездесіп, полицияның сервистік моделін түсіндіру жұмыстары жүргізілуде. Сервистік полицияны енгізу аясында құрылған топ мүшелері қоғамдық көліктерге мініп, халықтың жағдайын бақылауда. Нәтижесінде қоғамдық көлік жүргізушілері халыққа мәдениетті түрде сөйлемейтіндігі, халықты шамадан тыс мінгізетіндігі анықталды. Соның салдарынан қалта ұрлығы көбейген. Сондықтан бұл бағыттағы жұмыстар жалғасады, – дейді полиция полковнигі А.Тастанбеков.
Кеңесте қаралған екінші мәселе, ІІО жаңғырту мен Мелекет басшысының құқықтық тәртіп пен азаматтардың қауіпсіздігін қамтамасыз ету жөніндегі тапсырмаларын іске асыру мен қаңтар оқиғасы кезінде полицейлер әрекет етуі, жалпы ахуал.
Аталмыш тақырыпта Полиция департаменті Кадр саясаты басқармасының бастығы Мақсат Асқаров баяндама жасады.
– Бірқатар өңірлерде «қаңтардың бірінші онкүндігінде болған оқиғаларды сотқа дейінгі тергеп-тексеру барысы, жүргізілген арнайы операциялардың нәтижелері туралы, сондай-ақ елдегі қоғамдық қауіпсіздік пен құқықтық тәртіпті қамтамасыз ету жөніндегі басқа да шаралар туралы ақпараттық сүйемелдеу қамтамасыз етілсін. Резонанстық оқиғалар мен қылмыстарды, төтенше жағдайларды, құқық бұзушылық белгілері бар жарияланымдарды анықтау бойынша БАҚ-ты, интернет-кеңістікті мониторингілеу жұмыстары одан әрі жандандырылсын. Азаматтардың хабарламаларына дер кезінде жедел ден қою қарастырылсын. Мемлекет басшысының «Халық үніне құлақ асатын мемлекет» тұжырымдасы шеңберіндегі тапсырмалар толық іске асырылсын. Мемлекеттік тілдің беделін арттыру, оның қолдану аясын кеңейту күшейтілсін» деген тапсырмалар жүктелді. Қазіргі таңда полицейлер осы бағыттағы жұмыстарды жалғап, халыққа жақын полиция қағидатын қалыптастыруда аянбай қызмет етуде, – деді полиция полковнигі.