Тоқаев Бекасыл әулиенің 200 жылдығымен құттықтады

Screenshot_7.jpg

Түркістан облысы Төлеби ауданында ғұлама ғалым Бекасыл Биболатұлының 200 жылдығына арналған халықаралық V форум өтті. Форум қатысушылары шара басталмас бұрын Бекасыл баба кесенесіне барып, құран бағыштады. Музейімен танысты. Кеңесарық ауылындағы ескерткішіне гүл шоқтарын қойды. 

Қасқасуда қазақ-қырғыз зиялылары бас қосқан Бекасыл Биболатұлының 200 жылдық мерейтойына Қазақстан Президентінің кеңесшісі Мәлік Отарбаев арнайы келіп, Мемлекет басшысы Қасым-Жомарт Тоқаевтың құттықтау сөзін оқыды. 

«Қасиетті Түркістан топырағында дүниеге келіп, ұлт руханиятының дамуына зор үлес қосқан ғұламаның «Зикзал» атты еңбегі халқымыз үшін асыл мұра. Қазақ руханиятындағы алып тұлғалардың бірі Мәшһүр Жүсіп Көпейұлы ғұлама Бекасыл Биболатұлын аса құрметпен ұстаз деп мойындап, оның «Зикзал» атты еңбегін баға жетпес құнды ғылыми туынды деп бағалаған» делінген Президент құттықтауында. Тоқаевтың құттықтау хатын кеңесшісі Бекасыл әулиенің ұрпағы, халықаралық форумды ұйымдастырушы,  ҰҚК генералы Ержан Исақұловқа тапсырды.

Screenshot_6.jpg

Атаулы шараға белгілі мемлекет қайраткері, Мәжіліс депутаты  Сауытбек Абдрахманов, мемлекет және қоғам қайраткері Амалбек Тшанов, Қырғыз елінен делегация бастап келген халық ақыны Кожогелді Күлтегін мен Жоғарғы кеңесінің экс спикері Зайнидин Құрманов, Түркістан облысы әкімінің орынбасары Сәкен Қалқаманов қатысса, форум модераторы Қазақстан Жазушылар одағы төрағасының бірінші орынбасары Ақберен Елгезек модератор болды. Спикерлер баба рухына арнап сөз сөйлеп, шара туралы ойларымен бөлісті.

Бекасыл Биболатұлының "Зикзал" атты тағылымы мол шығармасы жайында Зәріпбай Оразбай, Бекасыл Биболатұлының аңыз-әңгімелері жайында Сауытбек Абдрахманов, Алтынбек Құрманов форум қатысушыларына баяндама оқыды. Автордың "Зикзал" атты еңбегінің бүгінгі күнге жету тарихы туралы Анарбек Орман баяндады.

Мүмкін сізді қызықтыратын тақырыптар:

  • Елге келген қандастардың неше пайызы еңбекке жарамсыз
  • Қазақстандықтарға мемлекеттік қызметтердің жаңа түрлері қолжетімді
  • Мемлекет басшысы Қазақстанның шет елдердегі бірқатар Елшісін тағайындады
  • Ресей: Теракт болған күні Крокустан 5 мыңнан астам адам эвакуацияланған
  • Президент терроризмге қарсы күресте Қазақстанның Ресеймен бірге екенін растады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер