Қазір желілерде банкроттық рәсімдеп беруге уәде ететін алаяқтар пайда болды - Ержан Біржанов

image.png

Елорда тұрғындарымен кездескен Қаржы вице-министрі Ержан Біржанов банкроттық рәсімдеу кезінде бейресми мәліметтерге жүгініп, алаяқтарға алданып қалмауға шақырды, деп хабарлайды ҚазАқпарат.

«Қазір желілерде айлакерлер пайда болды. Олар «Маған 10 пайызын берсеңіз, мен сізді банкрот деп танимын» деп уәде береді. Ондай хабарламаларға жүгініп керек емес. Себебі тұрғындар алданып қалады. Біз айтқымыз келеді: банкроттық процестер тегін түрде өткізіледі. Бұл - мемлекет тарапынан жасалған шара. Сондықтан бұған мемлекет пен азамат қана қатыса алады. Үшінші жақтың бұл іске қосылуы тиіс емес», - деп мәлім етті Ержан Біржанов.

Вице-министр сөзінше, егер банкроттықты рәсімдеу кезінде алаяқтық фактілері анықталса, онда бұл туралы ақпарат дереу құқық қорғау органдарына беріледі. Кейін айлакердің әрекетіне тиісті баға беріліп, қажет болған жағдайда қылмыстық іс қозғалады. Сондықтан Ержан Біржанов банкрот деп тану жөніндегі өтініштер мен ақпаратты тек мелекеттік органдардан алу керектігін айтты.

Сонымен қатар, Астана қаласының тұрғындарымен кездесіп, заңды түсіндірген вице-министр азаматтарды банкрот деп тану – қарызды кешіру акциясы емес екендігін баса айтты. Себебі мұның заңмен реттелетін салдары бар.

Мүмкін сізді қызықтыратын тақырыптар:

  • Түркістан облысында мемлекеттік қызметте жүрген әйелдердің үлесі 27 пайыз
  • Түркістан облысында Әдеп кодексінің нормаларын бұзу жайы төмендеген
  • Жеңілдетілген автонесие беруді қаңтардың соңына дейін бастаймыз – министр
  • Бір жылда күнбағыс майын өндіру 62% артты
  • «Ауыл» партиясының төрағасы Мәжіліс сайлауына байланысты мәлімдеме жасады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер