Қайтарылған активтерді басқару агенттігі (KUVA.KZ) Астанада ҰҚК-нің сотталған экс-төрағасы, бұрынғы Премьер-министр Кәрім Мәсімовтің құны 1,6 миллиард теңгені құрайтын зәулім үйі әлеуметтік қажеттіліктер үшін тәркіленгенін хабарлады деп жазады rgmedia.kz тілшісі.
"Астана қаласының әкімдігінен аталған жылжымайтын мүлікті қаланың әлеуметтік қажеттіліктерін қанағаттандыру мақсатында беру жөнінде ресми сұраныс түсті. Әлеуметтік маңыздылығы мен заңнама талаптарын ескере отырып, бұл нысан электрондық сауда жоспарына шығарылды. Нысанды әрі қарай пайдалану жергілікті атқарушы органның мүдделерін ескере отырып, белгіленген тәртіппен шешіледі", – дейді Қайтарылған активтерді басқару компаниясының өкілдері.
Бұған дейін Қайтарылған активтерді басқару компаниясының балансында тұрған жылжымайтын мүлік Астана қаласы Нұра ауданына қарасты Қараөткел ықшамауданында орналасқан.