Мұнайлы ауданы Бесшоқы ауылындағы тұрғын үйлердің терезесінің алдынан жаңа туылған шақалақ табылған. Таңертең 09:30 шамасында сәбиді тұрғындардың бірі байқап, полицияға хабар берген.
Маңғыстау облыстық полиция департаменті аталған деректі растап, баланың анасы іздестіріліп жатқанын хабарлады.
— Осы оқиға бойынша қылмыстық іс қозғалды. Анасы іздестіріліп жатыр. Сәби перзентханада жатыр, — делінген полиция таратқан хабарламада.