Түркістан облысында Ұлыстың ұлы күні – Наурыз мейрамы кең көлемде аталып өтуде. Осы мерекеге орай “Ауыл” партиясының ұйымдастыруымен волейболдан турнир өткізілуде.
Аталған спорттық шара Түркістан облысы бойынша өңірлік филиал төрағасы, облыстық мәслихат депутаты Қалмұратов Төрегелді Оразалыұлының бастамасымен ұйымдастырылып, жастарды салауатты өмір салтына баулуға және бұқаралық спортты дамытуға бағытталған.
Турнир барысында қатысушылар өзара бақ сынасып, командалық рух пен достық қарым-қатынасты нығайтуда. Бұл шара тек спорттық жарыс қана емес, сонымен қатар Наурыз мейрамының береке-бірлік, татулық пен ынтымақ құндылықтарын дәріптейтін маңызды алаңға айналуда.
Осындай игі бастамалар алдағы уақытта да жалғасын тауып, ел ішіндегі бірлік пен спортқа деген қызығушылықты арттыра беретіні сөзсіз.