Бүгін Шымкент қаласында «Ауыл» партиясының Түркістан облысы бойынша өңірлік филиал төрағасы, облыстық мәслихат депутаты Қалмұратов Төрегелді Оразалыұлы және облыстық мәслихат депутаттарының қатысуымен тұрақты комиссия отырысы өтті.
Отырыста өңірдің әлеуметтік-экономикалық дамуына қатысты бірқатар өзекті мәселелер қаралып, ауыл шаруашылығы, инфрақұрылым және халықты әлеуметтік қолдау бағытындағы жұмыстардың барысы талқыланды. Сонымен қатар, бюджет қаражатының тиімді игерілуі мен алдағы кезеңге арналған жоспарлар пысықталды.
Жиын барысында депутаттар тарапынан ұсыныстар мен пікірлер айтылып, көтерілген мәселелер бойынша нақты шешімдер қабылданды. Комиссия отырысының қорытындысында өңірдің дамуына серпін беретін бастамаларды жүйелі түрде жалғастыру қажеттігі атап өтілді.