Бүгін Шымкент қаласындағы университеттердің бірінде өткен ашық есік күні — жастар үшін маңызды әрі пайдалы іс-шара болды.
Аталған шараға Ауыл партиясы Түркістан облысы бойынша өңірлік филиалының төрағасы, облыстық мәслихат депутаты Төрегелді Оразалыұлы Қалмуратов арнайы қатысып, талапкерлермен кездесті.
Кездесу барысында ол жастарға мамандық таңдаудың маңыздылығын атап өтіп, қазіргі еңбек нарығында сұранысқа ие бағыттар жөнінде өз ұсыныстарын білдірді. Сондай-ақ, әрбір жас өз қабілеті мен қызығушылығына сай дұрыс таңдау жасап, ел дамуына үлес қосуы керектігін жеткізді.
Осындай мазмұнды кездесулер жастардың болашақ мамандығын саналы түрде таңдауына үлкен бағыт-бағдар беретіні анық.