Бүгін Бәйдібек ауданы, Талап елді мекенінде “Ауыл” партиясының атынан сайланған Түркістан облыстық мәслихатының депутаты, «Мейірім құшағы» әйелдер, балалар және отбасы істері жөніндегі комиссия төрайымы Маликова Гүлшат Мелдеханқызы жалпы республикалық “Таза Қазақстан” экологиялық акциясы аясында тазалық шарасын өткізді.
Акция барысында елді мекен аумағын тазалау, абаттандыру және қоршаған ортаны қорғау бағытында жұмыстар атқарылды. Шараға қатысушылар табиғатты аялау, тазалық сақтау және экологиялық мәдениетті қалыптастыру мәселелеріне ерекше мән берді.
Аталған акция тұрғындарды ортақ іске жұмылдырып, туған жердің тазалығын сақтауға үндейтін маңызды бастама болды. “Таза Қазақстан” акциясы аясындағы бұл шара қоғамдағы жауапкершілік пен бірлікті нығайтуға өз үлесін қосты.