Бүгін Төлеби ауданы Қаратөбе ауылдық округінде игі шара ұйымдастырылды. «Ауыл» партиясының Төлеби ауданы бойынша аумақтық ұйымының төрағасы Нысанбаев Жасар Тұрашұлының бастамасымен Балдыбірек каналының арнасы тазаланып, айналасы ретке келтірілді.
Шараның басты мақсаты — су арналарының қалыпты жұмысын қамтамасыз ету, ауыл тазалығын сақтау және қоршаған ортаны жақсарту. Аталған іске партия белсенділері мен ауыл тұрғындары атсалысып, ортақ іске өз үлестерін қосты.
Мұндай жұмыстар елді мекендердің көркеюіне, табиғатты қорғауға және тұрғындардың жауапкершілігін арттыруға бағытталған маңызды бастамалардың бірі.