Жамбыл облысында халықтық шығармалар жинақталуда

eae923e346476dfc63ff7aa840b52972.jpg

Осы орайда Жамбыл облыстық мәдениет, архивтер және құжаттама басқармасының бастамасымен халық шығармашылығы жиналып, көптомдық кітап шығару жоспарлануда.

Жобадағы шығармашылық топтың жетекшісі, филология ғылымдарының докторы, профессор Сәмен Құлбарақ қазіргі уақытта бұл бағыттағы жұмыстардың басталып кеткенін айтады.

«Жамбыл өлкесі – еліміздің басқа аймақтары тәрізді ежелден халықтық дарынды тұлғаларға бай өңір. Әрине, олардың бірсыпырасының шығармалары жиналып, кезінде кітап, жинақ болып басылып шығып, халық игілігіне жаратылды. Дегенмен, уақытылы жиналмай, қағазға түспей қалған халықтық туындылар, аңыз-әңгімелер, шешендік сөздер, жер-су тарихына қатысты аңыз-әңгімелер мен тарихи-аңыздық жырлар, тұрмыс-салт өлеңдері әлі де көп», - дейді ол.

Ұйымдастырушылардың айтуынша, Ұлы Дала тарихын, басынан өткен талай жайларын білу үшін сол уақыттың тынысы мен ел-жер үшін ата-бабалардың арпалысының шындығын сезіну үшін халықтық шығармаларды, халық ақындарының туындыларын жинап, бір ізге түсіріп қайта ұсыну қажет. Бұл халықтың, өлкенің тарихын зерттеу, зерделеу үшін ғалымдарға да аса керек дүние болатыны сөзсіз.


Мүмкін сізді қызықтыратын тақырыптар:

  • Шымкент: Қоғамдық көліктер күніне екі рет дезинфекциялануда
  • Шымкент: Абай ауданында 107 аула абаттандырылуда
  • Шымкентте қоқыс алаңшалары жаңартылуда
  • Шымкент тұрғындарын толықтай табиғи газбен қамту жоспарлануда
  • Шымкентте қуаты 220 кв бозарық подстанциясының құрылысы жүргізілуде
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер