Маңғыстау облысында түйелер белгісіз аурудан қырылып жатыр

Маңғыстау облысында түйелер белгісіз аурудан қырылып жатыр                                            

                                                         

Маңғыстау облысында атқамінерлер түйелердің қандай ауруға шалдыққанын анықтауға тырысуда. Мұнда 1100-ден астам Ойсылқара төлі белгісіз індетпен ауырған. Соның төрттен бірін мал дәрігерлері әлі де емдеп жатыр, деп хабарлайды Skifnews.kz ақпарат порталы, КТК телеарнасына сілтеме жасап.

Ауру күзде алдымен Қызылсай ауылынан шыққан. Кейін індет белгілерін өзге елді мекендердегі түйе иелері байқай бастаған. Бүгінге дейін түсініксіз кесел облыстағы 7 ауданның бесеуіне тарап үлгерген. Өркештілер арасында тараған қандай індет екенін және оның себебін анықтауға Ауыл шаруашылығы министрлігінің мамандары үш рет келген. Сараптамаға сынама алып кетіпті. Бірақ, жұқпалы ауруды анықтау мүмкін болмады.

Кеселдің алғашқы белгілері өркештілердің бәрінде бірдей. Алдымен жануарда әлсіздік пайда болады. Әрі шөп пен су ішпей қояды. Жергілікті билік қаңтарда тағы да астанадан мамандар келеді деп отыр. Ал жұрт малды қойып, өздерінің өміріне алаңдаулы. Атқамінерлер оларды сабырға шақырып отыр. Олардың айтуынша, әзірге ауру адамға жұқпаған.

"Антибиотиктермен уақытылы емделген түйелер бір аптаның ішінде толық сауығып кетеді. Бұл аурудан малдың жаппай өлімі және түйеден басқа малдардың және адамдардың ауыру фактісі болған жоқ", - деді Маңғыстау облысы әкімінің орынбасары Бақытжан Қашақов.
Караван жаңалықтары - https://kaz.caravan.kz/zhangalyqtar/


Мүмкін сізді қызықтыратын тақырыптар:

  • Түркістан облысында 200-ден астам жүргізуші Армениялық көліктерін тіркеді
  • Лучшие специалисты шымкента получили награды
  • Шымкентте бүгінге дейін 3320 провизорлы орын ашылды
  • Шымкент қаласының әкімі медициналық мекемелерді аралады
  • Шымкентте дәрі-дәрмек зауыты тәулік бойы жұмыс істеуге көшті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер