Қытайлық South China Morning Post басылымының мәліметінше Гонконгтік ғалымдар коронавирусқа қарсы вакцина ойлап тапқан.
- Біз вирусқа қарсы вакцина ойлап таптық, бірақ оны сынамадан өткізу үшін біраз уақыт керек. Жануарларға жүргізілетін сынама бірнеше айға, ал адамдарға жүргізілетін клиникалық сынама үшін бір жылдай уақыт керек", - дейді Гонконг университетінің профессоры Юэн Квок-Юнг.
Сондай-ақ, олар коронавирустың неден жұғатынын атап өтті. Ғалымдар тұмауға қарсы вакцинаны коронавирустың беткі антигенін қосып түрлендірген. Еске салайық, Қытай билігі 2019 жылы 31 желтоқсанда Дүниежүзілік денсаулық сақтау ұйымына Ухан қаласында белгісіз вирустың тарай бастағанын хабарлаған. Мамандар Ухан қаласындағы теңіз өнімдері базарынан алынған сынамаларды зерттеп, вирустың қайнаркөзі сол базарда сатылған жабайы жануарлар болғанын анықтаған.