125 жыл бойы үй шаруашылығымен айналысқан кейуана бақилық болды

1030626325.jpg

 Тәжікстандық 127 жастағы ең қарт әйел Фотима Мирзокулова қайтыс болды. Әлемдегі ең қарт әйел саналатын кейуана 125 жылдық өмірін үй шаруашылығына арнаған. Бау-бақша жұмысымен айналысып, үй жануарларына қараған Фотима Мирзокулова зейнетке шыққан күннің өзінде  мақта теруге шығып тұратын болған. Кейуананы өзінің туған ауылында жерлеген. Мирзокулова 1893 жылы 13 наурызда Ашт ауданындағы Боштол ауылында дүниеге келген. Ол осы жасына дейін үш ғасырды көріп, үш мемлекетте тұрған - Бұхар әмірлігі, КСРО және тәуелсіз Тәжікстан. Қайтыс болған әйелдің қызының айтуынша оның сабырлы, мейірбан және жүйке жүйесінің мықты болуы оның ұзақ өмір сүруіне септігін тигізген. 

 "Анам кітап оқыған емес, саясатқа қызықпайтын, бірақ елдің өміріне етене араласты. Мысалы, ол 1939-1940 жылдары Үлкен Ферғана көлін салуға қатысқан", - дейді ол.  Мирзокулова өмірінде екі рет тұрмыста болған және сегіз баланы дүниеге алып келген. Оның 200-ден аса немересі, шөбересі және шөпшегі бар. 

 Ұлыбританиялық Daily Mail таблоиды егер оның төлқұжатындағы мерзім дұрыс көрсетілген болса Фотима Мирзокулова әлемдегі ең қарт әйел болғанын айтады.


Мүмкін сізді қызықтыратын тақырыптар:

  • Қазақстанда енді молдалардың бәрі уағыз айта алмайды
  • Атырауда балаларына алимент төлемеген 30 борышкер қамалды
  • ҚМДБ 1 наурыздан бастап намаз кестесін жаңартады
  • Шығыс Қазақстандағы шекаралық жерлер мемлекетке қайтарылды
  • Тоқаев мектеп оқушыларына сабақта телефон пайдалануға тыйым салатын заңға қол қойды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер