Қордайдағы қайғылы жағдайға жол берген меморган қызметкерлері мен арандатушылар жауапқа тартылады. Мемлекет басшысы Қасым-Жомарт Тоқаев Twitter парақшасына осылай деп жазды.
«Қордай ауданындағы жағдай тұрақты. Бердібек Сапарбаев басқарған комиссия жұмысын жалғастыруда. Қайғылы жағдайға жол берген меморган қызметкерлері мен арандатушылар жауапқа тартылады. Зардап шеккендерге көмек көрсетіледі. Отандастарымызға азаматтық жауапкершілік ұстанымдары үшін ризашылық білдіремін», - деп жазды Президент.
Бірақ, меморган қызметкерлерінің (әкімдер мен олардың орынбасарлары, басқарма басшылары мен олардың орынбасарлары, құқық қорғау қызметкерлері) қандай жауапқа тартылатыны нақты айтылмады. Оларға қолдананылатын жаза түрлері комиссия жұмысының қорытындысынан кейін белгілі болады.