Түркістан облысында 8 мыңға жуық азамат мемлекеттік грант ұтып алды. Бұл туралы бүгін облыс әкімі Өмірзақ Шөкеев ел алдындағы есебінде айтты деп хабарлайды RGMEDIA.KZ ақпараттық агенттігінің тілшісі.
– Жалпы әлеуметтік қамсыздандыру саласына 2019 жылы 82 млрд. теңге қаржы қарастырылды. Өңір тұрғындарын жұмыспен қамту мақсатында «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасымен» 96 мыңға жуық адамды қамтып, жоспар 20,6 пайызға артығымен орындалды Осы бағдарлама аясында бірінші рет өз ісін ашамын деген 8 мыңға жуық азаматқа 200 айлық есептік көрсеткіш мөлшерінде мемлекеттік грант ұсынылып, жеке ісін ашуға мүмкіндік берілді, – облыс басшысы.