Түркістан жастарының белсенділігі жоғары

«Jas Otan» жастар қанатының төрағасы Елнұр Бейсенбаев Түркістан облыстық Жастар ресурстық орталығының жұмысымен танысты, деп хабарлайды Rgmedia.kz.

8c8fdb27-eba1-4a9d-95cd-418b11efb776.jpg

- “Әрбір жастың жеке жетістігі – тұтас Отанымыздың табысы” деген Тұңғыш Президент, Елбасы Нұрсұлтан Назарбаевтың жастарға әрдайым айрықша көңіл бөлетінін білесіздер. Президент Қасым-Жомарт Тоқаевтың тапсырмасымен Жастар жылын қорытындылап, волотерлар жылын бастап отырмыз. Алдағы уақытта бұл бағытта көптеген жұмыстар атқарылып, ілкімді істер жүзеге асады –  деді арнайы Түркістан облысына іссапармен келген «Jas Otan» жастар қанатының төрағасы Елнұр Бейсенбаев. 

Көпфункционалды жаңа үлгідегі Жастар орталығы бір мезетте 400-ге жуық жасқа қызмет көрсете алады. Орталықта «Жастарға қызмет көрсету» орталығы, «Мобильді топ», Turkistan HUB coworking zone, IT PARK, Робототехника мектептері, Коворкинг алаңы, электронды кітапхана, «Жас сарбаз», «Еріктілер мектебі», «Құрылыс жасақтары», «Тілдер мектебі», түрлі жастар ұйымдары және психологиялық терапия секілді көптеген жастар клубтары, мектептер мен үйірмелер жұмыс жасайды. Сондай-ақ, ғимарат ішінде «relax zone» демалыс аймағы, ғимараттың сыртқы бөлігінде футбол, волейбол, баскетбол, теннис ойнауға арналған спорттық алаңшалар орналасқан.

Орталықта «Nur Otan» партиясының бірінші орынбасары Б. Бәйбек пен «Jas Otan» Жастар қанатының төрағасы Е.Бейсенбаев белсенді жастармен кездесті.

- Жиында табиғат жанашыры, эколог Ғани Назарбек жануарлар әлемі мен өсімдіктерді қорғауда және экологияны таза ұстау бағыты бойынша партия тарапынан қандай жұмыстар атқарылатындығын сұрады. Ал, Түркістан облыстық жобалық кеңсенің PR-менеджері Гүлжамила Сәрсенбайқызы партия мен журналистер арасында тығыз қатынас орнатып, түрлі ой қозғайтын клуб құрылса деген ұсынысын жеткізді. «Шапағат» қайырымдылық қорының президенті Еркінбай Шалтан «Мүмкіндігі шектеулі азаматтарға партия тарапынан көрсетілетін қолдаулар күшейтілсе» - деді.  

Еркін пікір алмасу форматында өткен басқосуда  қоғамдағы өзекті мәселелерді шешу жолдары талқыланды. 

Атап өтейік, киелі шаһарға ат басын бұрмас бұрын «Jas Otan» Жастар қанатының төрағасы Кентау қаласындағы Б.Момышұлы ескерткішіне гүл шоқтарын қойып, батыр есімін иеленген білім ордасындағы музеймен танысты. Оқушылармен кездесіп, білімді де, білікті жастарды қолдауға бағытталған маңызды жобаларды түсіндірді. 

Сондай-ақ, машина жасау саласында мақтанышқа айналған «Кентау трансформатор зауытында» болды. Кәсіпорында бүгінде 1200-ден астам жұмысшы еңбек етеді. Оның 1000-ға жуығы «Nur Otan» партиясының мүшелері. Ал, 500-ге жуық жастардың  басым бөлігі «Jas Otan» Жастар қанатының мүшелігіне енген.

Бұдан кейін, Кентау қалалық «Jas Otan» Жастар қанаты мен «Жастар ресурстық орталығында» және Түркістан қаласындағы «Кеңес орталығы» консалтинг орталығының жұмыстарымен танысқан Елнұр Сабыржанұлы Қ.А.Ясауи атындағы ХҚТУ-нің студент жастарымен де жүздесті.

Мүмкін сізді қызықтыратын тақырыптар:

  • Түркістан облысында 200-ден астам жүргізуші Армениялық көліктерін тіркеді
  • Лучшие специалисты шымкента получили награды
  • Шымкентте бүгінге дейін 3320 провизорлы орын ашылды
  • Шымкент қаласының әкімі медициналық мекемелерді аралады
  • Шымкентте дәрі-дәрмек зауыты тәулік бойы жұмыс істеуге көшті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер