Түркістан облысында бір жылда 500-ден астам полиция қызметкері жағымсыз әрекеттері үшін жазаға тартылса, 200 полицей әкімшілік жауапкершілікке тартылды. Бұл туралы облыстық Полиция департаментінің бастығы, полиция генерал-майоры Қайрат Дәлбеков ел алдындағы есебінде айтты, деп хабарлайды RGMEDIA.KZ ақпарат агенттігінің Түркістан қаласындағы тілшісі.
– Жағымсыз себептермен 40 қызметкер жұмыстан шығарылса, 510 қызметкер жазаланды. 247 рейдтік іс-шара өткізіліп, оның нәтижесі бойынша 202 қызметкер әкімшілік жауапкершілікке тартылды. Сондықтан заң баршамызға ортақ, заңды бұзған кез-келген адам қызметіне, лауазымына қарамастан жазасыз қалмауы тиіс, – дейді департамент бастығы.
Дегенмен, Дәлбековтың дерегінше, Түркістан облысында полиция қызметкерлері жетіспейді. Халық санына шаққанда штаттық саны тиістілік нормасынан төмен.