Түркістан облысының полицейлері 6 мың тоннадан астам есірткі затын тәркіледі. Бұл туралы облыстық Полиция департаментінің бастығы, полиция генерал-майоры Қайрат Дәлбеков ел алдындағы есебінде айтты, деп хабарлайды RGMEDIA.KZ ақпарат агенттігінің Түркістан қаласындағы тілшісі.
– Есірткімен күрес жүйелі түрде жүргізіліп келеді, алайда оны пайдаланып, тұзағына түсіп қалатындар аз емес. Сонымен қатар бүгінде есірткінің синтетикалық түрлері де көбейген. Өткен жылы есірткі бойынша 166 тұлға қылмыстық жауапкершілікке тартылды. Полиция қызметкерлерінің жыл бойына жүргізген есірткіге қарсы күрес жұмыстарының нәтижесінде есірткі бойынша 397 қылмыстық құқықбұзушылық, есірткі егудің 54 жайты, сақтаудың 68 жайты анықталды. Сондай-ақ заңсыз айналымнан 6 тоннадан астам есірткі заты алынса, оның 2 килограммға жуығы героин, – деді департамент бастығы.