Шавкат Мирзиёев: Қазақ бауырларымыздың алдында ұяттымыз

Бұл туралы Өзбекстан Республикасының Президенті Шавкат Мирзиёев Бұхара мен Сырдарияда орын алған төтенше жағдайға байланысты жиында айтты, деп хабарлады Өзбекстан ұлттық ақпарат агенттігі.

6c1c58dff7a878c9be07d97ca71b3b6b.jpg    

Бұхара мен Сырдариядағы апаттар - Жаратқанның бізге берген сынағы, осы жағдайдан табандылықпен және аянбай еңбек етіп өтуіміз керек. Бұл су тасқыны біз үшін ауыр сабақ болды. Сондықтан, су қоймасында болған жағдайға байланысты халықаралық сарапшыларды тарта отырып, барлық бөгеттерге терең сараптама жүргізетін боламыз. Сонда ғана біз түпкілікті қорытындыға келеміз, - деді сөз басында Өзбекстан Президенті. 

Сардобадағы апат салдарынан Қазақстан Республикасы Түркістан облысының Мақтаарал ауданындағы  елді мекендерді де су басты. Осы ретте, Қазақстан Президенті Қасым-Жомарт Тоқаев Өзбекстан Президенті Шавкат Мирзиёевпен телефон арқылы сөйлесті. Бұдан басқа, Түркістан облысының әкімі Өмірзақ Шөкеев бастаған делегация оқиға орнына барып, жағдайды жан-жақты зерттеді.

Бұл техногендік күтпеген апат тек біздің тұрғындарға ғана емес, сонымен бірге көрші қазақ бауырларымызға да үлкен  зиян келтіргені өте ұятты болды. Олардың мекендейтін жеріне және егістік алқаптарына зиян келтірілгеніне де өкінеміз, - деді Шавкат Мирзиёев.

Оның айтуынша, тиісті министрліктер мен ведомстволар, жергілікті билік органдары, басқа да шенеуніктер мен сарапшылар өздерінің қазақстандық әріптестерімен бірге табиғи апаттардың салдарын жою үшін тығыз жұмыс істейтін болады.

Біз табиғи апаттың салдарын жоюда қазақстандық бауырларымызға қажетті көмек көрсетуге дайын екенімізді білдірдік. Біз бұл қиындықтарды халқымызбен бірге, өзара ынтымақты түрде жеңетінімізге сенімдімін, - деп түйіндеді Шавкат Мирзиёев.

Айта кетейік, Өзбекстан аумағындағы Сардоба су қоймасы бөгетінің бұзылуы салдарынан Түркістан облысының 10 ауылын су басты, 22 мыңнан астам тұрғын эвакуацияланды.

Мүмкін сізді қызықтыратын тақырыптар:

  • Шымкентте шағын инвазивті ота жасау бойынша шеберлік сабақтары өтуде
  • Мемлекет басшысы Павлодар облысының әкімін қабылдады
  • «Зиянды өндірістік факторларымен жұмыс атқаратын жұмысшылардың міндетті медициналық тексеруден өткіз
  • Назарбаев Елбасы ретіндегі миссиясын атады
  • Елбасы «Nur Otan» партиясының Саяси кеңесі Бюросының отырысын өткізді
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер