Шымкент: Медицина қызметкерлерін мерекесімен құттықтады

Шымкент қаласында 21 маусым – медицина қызметкерлер күніне орай Шымкент қаласының Денсаулық сақтау басқармасы басшысының орынбасары Ернар Мырзақұлов ауруханаларға арнайы барып, ақ халатты абзал жандарды құттықтады.

e3b4643c-13ec-4a4a-bd36-9f0ebb6ccdb7.jpg

Құттықтау барысында Шымкент Денсаулық сақтау басқармасы басшысының орынбасары Ернар Мырзақұлов медицина қызметкерлеріне сыйлық тапсырып, жұмыстарына сәттілік тіледі.

Бұл мерекелік сыйлық Шымкент қалалық кардиологиялық орталық, Шымкент қалалық №1 клиникалық ауруханасы, Шымкент қалалық перинаталдық орталық, Шымкент қалалық жұқпалы аурулар ауруханасы және Шымкент қалалық клиникалық балалар ауруханасындағы қызметкерлеріне табысталды. Олардың әрқайсысының 15 бөлімшесіне аталған сыйлықтар берілді.

Өз кезегінде Шымкент қалалық кардиологиялық орталық бас дәрігерінің міндетін атқарушысы Ермағанбет Мұқанұлы: «Құрметті әріптестер, кәсіби мерекемізге орай Шымкент әкімшілігі және қалалық Денсаулық сақтау басқармасы атынан сыйлық жіберіп, бізді құттықтап отыр. Ризашылығымызды білдіреміз. Әріптестеріме денсаулықтарыңыз мықты болып, мына қиыншылықтан тезірек өтіп, індетті бірге жеңе берейік дегім келеді», – деді Е.Қуатбаев. Ал кардиохирург дәрігері Тыныбек Сапаров он жылдан бері осында істейтінін алға тартып, сыйлық әкелген кісілерге алғысын айтты. Осы орайда Шымкент қалалық №1 клиникалық ауруханасының кәсіподақ төрағасы Құрманбай Байрамов та өз рақметін жеткізді.

Шымкент ақпараттық-коммуникациялық орталығы

Мүмкін сізді қызықтыратын тақырыптар:

  • «Елорда кубогы-2021» арнайы жобасы өтті
  • Түркістанда «Елбасы өнегесі» атты көрме ашылды
  • Тұңғыш Президент күніне арналған вело шеру
  • 50 жаңа автобус желіге шығарылды
  • Заңды тұлғалар тапсыратын декларациялар мен заңнамадағы соңғы өзгерістер талқыланды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер