Цой карантинді жеңілдету туралы ұсыныс берді

ҚР Денсаулық сақтау министрі Алексей Цой елде эпидемиологиялық жағдайдың жақсарып келе жатқанына байланысты Ведомствоаралық комиссияға карантинді біртіндеп жеңілдетуді ұсынды, деп хабарлайды Oinet.kz сайты Azattyq-ruhy.kz сайтына сілтеме жасап.

czoj.jpg

Себебі, вирустың репродуктивтілік деңгейі, яғни бір науқастан басқаларға жұғу көрсеткіші 1,72-ден 0,82-ге төмендеген. Бұл көрсеткіш өңірлер арасында тек Түркістан облысында 1-ден жоғары. Басқа аймақтарда тұрақты түрде азайып келеді.

«Уақытылы диагностиканың арқасында Қазақстан COVID-19-дан болатын өлім көрсеткіші бойынша 70-ші орында... 5 аптада ауруханадағы орындар жүктемесі 62%-ға азайды. Емханалар үйге барып емдеу форматына көшті. Қазір 3640 бригада жұмыс істеп тұр. Коронавирус бойынша жедел жәрдем шақыру 62%-ға төмендеді. Жалпы, коронавируспен ауыратындар 2 есеге азайып отыр», - деді ол Үкімет отырысында.

Үкімет басшысы Асқар Мамин ахуалды ескере отырып, карантинді алып тастауға негіз бар екенін айтты.

«Елімізде коронавирустың таралу деңгейі қарқынды түрде төмендеуде. Емделіп шыққандар үлесі 73,6% құрады. Қалғандары ем алуда... Жағдайды ескеріп, карантин шараларын кезең-кезеңімен алып тастау жоспарын ДСМ мемлекеттік комиссия қарауына бейсенбі күні енгізуді тапсырамын», - деді Асқар Мамин.

Бұл ретте көпшілік жерде маска кию сияқты гигиеналық талаптар сақтала береді.

Мүмкін сізді қызықтыратын тақырыптар:

  • Болат Өтемұратов пен Роза Рымбаева Алматы қаласының құрметті азаматы атағын алды
  • Отандық дипломдар Еуропаға да жарамды
  • Тоқаев БҰҰ Бас Ассамблеясының 75-сессиясының жұмысына қатысады
  • Тұрғындар қайтарымсыз несиемен кісібін дөңгелетуде
  • Отырарда ерекше қайырымдылық жасалды
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер