Шымкент: Түркістан көшесіндегі жөндеу жұмыстары қазан айында бітеді

Шымкент қаласында ішкі орамдағы жүргізіліп жатқан орташа жол жөндеу жұмыстары кезең-кезеңімен аяқталып жатыр. 

Бүгінде Самал-3 шағынауданындағы ұзындығы 1,5 шақырым, ені 5 метр болатын Абдраманов көшесінде орташа жол жөндеу жұмыстары аяқталып, пайдалануға берілді. 

ef26421a-1a3b-4aed-97c3-394c2be093d7.jpg

Сондай-ақ, төмендегідей көшелерде жұмыстар әлі де жалғасуда:

- Еңбекші ауданы Төле би көшесіндегі орташа жөндеу жұмыстарын «АлемТрансЖол» ЖШС мердігері жүргізіп жатыр.  Мұнда жолдың беткі қабатын жаңарту, жарамсыз ирригациялық арықтарды алмастыру қаралған. Көшенің ұзындығы 2,6 шақырым. Бүгінгі таңда, жолдың беткі асфальт қабатын жаңарту жұмыстары жүргізілуде. Жұмыстар ағымдағы жылдың қыркүйек айында аяқталады деп жоспарлануда.

- Әл-Фараби ауданы Түркістан көшесінде (Әл-Фараби алаңынан Адырбеков көшесіне дейін) жолдың беткі қабатын жаңарту, ирригациялық арықтарды алмастыру, жаяу жүргіншілер жолы мен веложол салу секілді жұмыстар атқарылады. Мұнда 1,9 шақырымды құрайтын көше бөлігі жөнделеді. Қазір жолдың беткі қабатын асфальттау жұмыстары жүргізілуде. Нысан ағымдағы жылдың қазан айында пайдалануға беріледі деп күтілуде.

- Еңбекші ауданы Жібек жолы көшесіндегі (Рысқұлов көшесінен Аймауытов көшесіне дейін) орташа жөндеу жұмыстары   «Сади Строй» ЖШС-гі тарапынан жүргізілуде. Көшенің ұзындығы 1,2 шақырым.  Бүгінде жолдың беткі қабатын асфальттау жұмыстары жүргізіліп жатыр. 

- Таскен тұрғын алабындағы Абылайхан және Түгейболат көшесінде орташа жөндеу жұмыстары жүргізілуде. Сонымен қатар, №115 мектепке баратын атауы жоқ көшеге жаяу жүргіншілер жолын орнату жұмыстары атқарылу үстінде. 

Шымкент қаласы әкімінің баспасөз қызметі

Мүмкін сізді қызықтыратын тақырыптар:

  • «Жасыбайдағы» бұрынғы президенттік резиденция мемлекет меншігіне қайтарылды
  • Мүфтият: құлпытасқа сурет салуға, қымбат тастан жасауға, Құран аяттарын жазуға болмайды.
  • Жұмабек Тәшеневтің елге жасаған еңбегі дәріптелді
  • Фитнес клубтар мен мейрамханаларды тексеру басталды
  • Енді жаңа SIM-карта сатып алу үшін екі рет тіркеуден өтесіз
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер