23 тамызда, жексенбіде Беларусь президенді Александр Лукашенко елдегі жаппай наразылық фонында Минскідегі Тәуелсіздік Сарайындағы резиденциясына тікұшақпен келді. Видеоны Пул Первого Telegram-каналы жариялады
"Лукашенко бір сағат бұрын оқиға орнына келді. Тәуелсіздік Сарайына! Президент брондалған жилет киген. Қолында - автомат", делінген видео сипаттамасында.
Хартыя’97 басылымының мәліметінше, резиденцияға президентпенпен бірге кенже ұлы Николай да келген, ол да қаруланған.
Сондай-ақ, желіде елорданы айналып шыққан белорус лидерінің тікұшағы көрсетілген видео тарады. "Жақында, даңғылға жақында! Солға, солға!", - деп бұйрық береді Лукашенко.
"Жеңімпаздар даңғылына биіктен қарап, онда наразылық акциясы болған жер туралы Лукашенко былай дейді: "как крысы разбежались".
23 тамызда Минскіде және басқа да қалаларда жалпыұлтық наразылық акциялары жалғасты. Көшелерге жүздеген мың адам шығып, Александр Лукашенконың кетуін талап етті.
Әскерилер Тәуелсіздік Сарайына кірер жолды қоршады.
