Тоқаев БҰҰ Бас Ассамблеясының 75-сессиясының жұмысына қатысады

Қазақстан Президенті Қасым-Жомарт Тоқаев БҰҰ Бас Ассамблеясының 75-сессиясының жұмысына қатысады. Мерейтойлық сессия "Біз қалайтын болашақ, бізге қажет Біріккен Ұлттар Ұйымы: мультилатерализмге ұжымдық бейілділігімізді нақтылау" деген ұранмен өтеді. Бұл туралы Facebook-те Президенттің баспасөз хатшысы Берік Уәли жазды.Касым-Жомарт Токаев вступил в должность президента Казахстана :: Политика  :: РБК

Бас Ассамблеяның сессиясы әлі жалғасып жатқан коронавирус пандемиясы жағдайында өтетіндіктен, мемлекеттер басшыларының сөйлейтін сөздері бейне байланыс форматында болады деп жоспарланған.

"Қазақстан Президенті 21 қыркүйекте БҰҰ 75 жылдығына арналған Жоғары деңгейдегі кездесуге, 23 қыркүйекте БҰҰ Бас Ассамблеясының Жалпы дебатына қатысады. Қасым-Жомарт Тоқаев БҰҰ Бас Ассамблеясының 75 жылдығына және Жалпы дебаттардағы күн тәртібіне байланысты ағылшын тілінде екі бейнеүндеу жасайды", деп жазды Берік Уәли.

Қазақстан Президенті өз баяндамаларында халықаралық өзекті мәселелерді шешу ісіндегі әлемдік қоғамдастықтың іс-қимылдарын үйлестірудің маңыздылығын, атап айтқанда коронавирус індетімен күрес, жаһандық экономикалық өсімді қалпына келтіру, терроризмге қарсы іс-қимыл, ядролық қаруды таратпау және қарусыздану, климаттың өзгеруі сияқты проблемаларды көтереді.

Мемлекет басшысы БҰҰ-ға қатысты сыни пікірлердің айтылғанына қарамастан, ол әлемдік саясатта шешуші рөл атқаратын баламасы жоқ әмбебап ұйым екеніне тоқталып, 2030 жылға дейінгі Күн тәртібіндегі тұрақты даму мәселелердің жүзеге асырылуы, халықаралық саясаттағы БҰҰ-ның рөлін күшейту, Орталық Азиядағы өңірлік ықпалдастық салалары бойынша жүзеге асырылуы тиіс мәселелерді қозғап, бірқатар халықаралық бастамаларды ұсынады.

Мүмкін сізді қызықтыратын тақырыптар:

  • Еліміздің 7 облысынан құс тұмауы расталды
  • Тоқаев: «Реформалар жөніндегі жоғарғы кеңестің бірінші отырысы 21 қазанда өтеді»
  • Ақ бесікте тербеткен
  • Баку мен Ереван атысты уақытша тоқтату жөнінде келісімге келді
  • Қарағандылықтар коронавируспен ауырмас үшін ит етін жей бастады
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер