Шымкент қаласының қылмыстық істер жөніндегі ауданаралық сотының бұрынғы судьясы Жанат Мүсірәлі алаяқтық жасады деген айыппен 7,5 жылға бас бостандығынан айырылды деп хабарлайды Rgmedia.kz.
Ол сотталушылардың бірінің жазасын жеңілдету үшін оның әйелінен 110 миллион теңге алған деп күдіктелді.Осы қылмысқа байланысты үш адам жазаланып отыр. Олар: судья Жанат Мүсірәлі, адвокат Мұрат Жахаев және кәсіпкер Айдар Алтаев. Сот сотталушылар Д., А. және М.-ны «Алаяқтық» бабымен кінәлі деп таныды.
«М.-ға мемлекеттік қызметте лауазымды қызмет атқару құқығынан өмір бойына айырылып, 7 жыл 6 ай мерзімге бас бостандығынан айыру жазасы тағайындалды. Д.-ға адвокаттық қызметпен айналысуға 7 жылға тыйым сала отырып, 6 жыл 8 ай мерзімге бас бостандығынан айыру жазасын тағайындалды. А.-ға 5 жыл мерзімге бас бостандығынан айыру жазасы тағайындалды» деп жазылған сот шешімінде.
Үкім әлі заңды күшіне енген жоқ.