Қазақстандық Аида Әбікеева (63 келі) бокстан әйелдер арасындағы әлем чемпионы атанды.
Жекпе-жек барысында Аиданың белсенділігі байқалды. Нәтижесінде қарсыласына көбірек соққы жұмсап, ұпай санын арттыра түсті. Төрешілер оның жеңісіне қолдау білдірді.
Осылайша Аида ел құрамасы қоржынына үшінші алтын медальды салды.
Енді ел құрамасынан Елдана Тәліпова (81 келіден жоғары) қытайлық Илян Чжанмен шаршы алаңға шығады.
Бүгін финалда Алуа Балқыбекова (50 келі) мен Назым Қызайбай (48 келі) чемпион атанды.
Ал Виктория Графеева (60 келі) әлем чемпионатында күміс жүлдегері болды.
Сондай-ақ ел құрамасынан Наталья Богданова (70 келі) қола жүлдегер атанды.
Әлем чемпионатына ел құрамасында 12 боксшы аттанған еді. Олардың арасынан жарыстың түрлі сатысында Анита Адишева (52 келі), Жайна Шекербекова (54 келі), Карина Ибрагимова (57 келі), Жасмин Қизатова (66 келі), Наталья Богданова (70 келі), Надежда Рябец (75 келі), Гүлсая Ержан (81 келі) қарсыластарына есе жіберіп қойды.