Қазақстанның үш дүркін әлем чемпионы, боксшы Назым Қызайбай тарихи жеңісі үшін мемлекеттен қанша сыйақы алады, деп хабарлайды RGmedia.kz тілшісі Tengri Sport-қа сілтеме жасап.
Қазақстан заңнамасына сәйкес, олимпиадалық спорт түрлері бойынша әлем чемпионатында жеңіске жеткен және жүлдегер атанған спортшыларға кепілдендірілген қаржылай төлем қарастырылған.
Атап айтқанда:
• Алтын медаль иегеріне – 15 мың доллар,
• Күміс жүлдегерге – 10 мың доллар,
• Қола медаль иегеріне – 5 мың доллар.
Осылайша, Қазақстан тарихында алғаш рет үш дүркін әлем чемпионы атанған Назым Қызайбайға 15 мың доллар немесе шамамен 7,5 миллион теңге төленеді.