Шымкент қаласындағы 14-35 жас аралығындағы жастар саны – 387 831, бұл қала тұрғындарының 31,4%-ын құрайды. Қалада 8 ЖОО-да 82 360 студент, 34 техникалық және кәсіптік білім беру мекемесінде 51 307 студент білім алуда.
Іс-шаралар бағыттары бойынша негізгі нәтижелер:
I. Қолжетімді білім және ғылыми әлеуетті дамыту:
Жұмыспен қамту және жеңілдетілген несие бойынша түсіндіру жұмыстарынан бастап 1 372 жас қамтылған 11 оқыту бағдарламасы өткізілді. Бос жұмыс орындар жәрмеңкесіне 30-ға жуық жұмыс беруші қатысып, 350-ден астам адамға жұмыс ұсынылды.
II. Денсаулық сақтау және салауатты өмір салты:
Нашақорлық пен маскүнемдікке қарсы 69 іс-шара ұйымдастырылып, 6 930 жас қамтылды. Спорттық жарыстар мен челлендждерге 7 сәуір – Дүниежүзілік денсаулық күніне орай челлендждер өткізілді.
III. Жастарды жұмыспен қамту:
Мемлекеттік бағдарламалар аясында 66 түсіндірме жұмысы жүргізіліп, 10 592 жас қамтылды. Шалғай аймақтарда бос жұмыс орындар жәрмеңкесі ұйымдастырылды.
IV. Қаржылық және құқықтық сауаттылықты арттыру:
«Заң және заман», «Заң талабы заман айнасы» тақырыбында ауданға қарасты оқу орындарында кездесу ұйымдастырылды. Жалпы бұл бағыт бойынша 21 іс-шара ұйымдастырылып, 4 700 жас қамтылды. Кәсіпкерлер тәжірибелерімен бөлісіп, жастарға қолдау көрсетті.
V. Жас отбасыларды қолдау:
«Ана үйі» қоғамдық қорымен бірлескен меморандум түзіліп, үйлестірушісі Тонтекова Қалдардың қатысуымен «Отбасы құндылығын дәріптеу», «Қыздар кеңесі», «Ұлдар арасындағы жиналыс», «Stop bullying» тақырыбында техникалық және кәсіптік, орта білімнен кейінгі білім мекемелерінде кездесулер ұйымдастырылды. Бұл бағыт бойынша жалпы 11 іс-шара ұйымдастырылып, 1 524 жас қамтылды. «Ана үйі» қорымен бірлесіп, жалғызбасты аналарға әлеуметтік көмек көрсетілді.
VI. Құқықтық мәдениетті арттыру:
«Құқықты білу-заман талабы», «Сыбайлас жемқорлыққа жол жоқ!», «Кәмелетке толмаған жастар арасындағы құқықбұзушылық», «Жасөспірімдердің қылмыстық жауапкершілігі», «Жемқорлық - індет, күресу – міндет» тақырыбында арнайы сала мамандарымен кездесу ұйымдастырылды. Жалпы 42 іс-шара ұйымдастырылып, 5 761 жас қамтылды.
VII. Діни сауаттылықты арттыру:
«Дін және жастар» жобасы аясында: «Жат ағымдардың сыртқы көрінісіндегі және мінезіндегі өзгешеліктер, олардың алдын алу жолдары», «Дін және қоғам», «Зайырлы мемлекет және дін», «Ата-ананың қадірі», «Дәстүрлі құндылықтар мен зайырлы қоғам», «Жастардың діни танымына интернеттің, әлеуметтік желілердің әсері», «Зайырлы қоғам мен исламның өзара қатынасы», «Отанды сүю – әрбір азаматтың міндеті», «Ақпаратты дұрыс дерек көздерінен пайдаланайық», «Салт-дәстүр бірлігі – ұлт болашағы», «Ақпаратты тікелей қабылдау – діни фанатизмге апарады», «Дін аралық – келісім ел тұтастығының кепілі» тақырыптарында іс-шаралар ұйымдастырылды. Деструктивті діни ағымдарға қарсы 77 кездесу өткізіліп, 7 200 жас қамтылды.
VIII.Мәдени және рухани даму:
Экскурсия, «Bookcrossing», әдеби сазды кеш, кездесу, сауалнама, дөңгелек үстел, тоқыма тоқу өнері, интелектуалды айдар, дебат, караоке, кинофильм, патриоттық кеш, жастардың бос уақытын тиімді пайдалануға арналған түрлі бағдарламалар, үйірмелер, тікелей эфирлер, акциялар, оқыту сабақтары мен байқаулар ұйымдастырылды. Жалпы жыл басынан бері 76 іс-шара ұйымдастырылып, 13 142 жас қамтылды.
X.Психо-профилактикалық насихат:
ЖОО, ТжКОББ мекемелерінің жастары арасында лудомания, отбасындағы зорлық-зомбылық, қыздар кеңесі, суицидтің зияндығын насихаттау бойынша профилактикалық жұмыс жүргізу бойынша бірлескен жоспар құрылып, мамандардың қатысуымен 201 кездесу және арнайы дайындалған 200 дана брошюралар тарқатылды, жалпы іс-шараға 27 500-ге жуық жас қамтылды.
XI. Экологиялық мәдениет және еріктілік:
«Birgemiz: Тaza Alem», «Birgemiz: Sabaqtastyq», «Birgemiz: Umit», «Birgemiz: Asyl Mura» бағыттары бойынша еріктілер клубы құрылды. «Ардагерлерді ардақтайық», «Жұмадағы жақсылық», «Өртке саптық дайындық», «Судағы қауіпсіздік ережелері», «Мен донормын», «Біз таза қала үшін», «Таза қала тұрғындары», #Birge#TazaSHYMKENT, «ТазаLIKE», «Таза Қазақстан» акция жүргізілді. Жалпы 64 іс-шара ұйымдастырылып, 8 714 жас қамтылды.
XII. Қоғаммен байланыс және ақпараттық талдау:
Қаңтар-қазан аралығында 3 027 ақпарат жарияланып, Facebook, Instagram, TikTok және YouTube желілерінде кең таралды. БАҚ-та 167 материал жарияланып, 395 әлеуметтік желі парақшасында ақпарат таратылды.
Сонымен бірге жастар ұйымы тиісті мекемелермен бірлесіп жастардың тәрбиесі, рухани жаңғыру, құқықтық сауат тақырыптарында көптеген іс-шараларды қолға алып келеді. Айталық Шымкент қаласының ішкі саясат және жастар істері жөніндегі басқармасының «Жастар ресурстық орталығы» КММ-нің және Шымкент қаласы Полиция департаменті Есірткі қылмысына қарсы іс-қимыл басқармасының аса маңызды істер жөніндігі аға жедел уәкілі, полиция майоры Бауыржан Қанатұлы Қарбековпен бірлесіп, " «STOP! Graffiti» акциясын ұйымдастырды. Іс-шара барысында Терешкова, Ақбастау, Ковалева атындағы көшелердің бойында орналасқан тұрғын-үйлер мен инфрақұрылымдық жүйелердегі 30-ға жуық графикалық үлгідегі есірткі сайттарының жарнамалары жойылды.
Сондай-ақ жоғарыда аталған "Зорлық-зомбылыққа қарсы 16 күн белсенділік " акциясы аясында Индустриалды-техникалық колледжінің студенттері арасында «Отбасым - алтын діңгегім» такырыбында кездесу өтті.
Кездесуге Полиция департаменті Криминалдық полиция басқармасының киберқылмысқа қарсы күрес бөлім бастығы, полиция подполковнигі Жайлаубек Шыңғыс Нұржанұлы, Жастар ресурстық орталығының психолог маманы - Әбдірашіт Айзада Үсенқызы қатысты.
Жастарды саналы отбасылық некелі өмірге дайындау мен саналы көзқарас қалыптастыру мақсатында өткен жиында, отбасы құндылықтары жөнінде кеңінен сөз етіліп, өзге де жат дүниелерге құмарлықтың зардап-зияны туралы айтылды.
