ҚМДБ-ның Шымкент қаласының Бас имамы Бақдаулет кажы Нұрматұлының тапсырмасымен Әл-Фараби аудандық «Ордабасы» мешітінің «Бас имамы Ералы Сапарбайұлының ұйымдастыруымен және Найб имам Ержігіт Мамытұлы мен Бекайдар Алтайұлы имамдардың атсалсуымен қарттар үйіндегі 170 кісіге ас берілді.
Биылғы жылы «Ислам және Дәстүр құндылықтары және Ізгі коғам бағытында жұмыстар атқарылып жатқанын айтып, Карттарымызға » Ордабасы мешітінен арнайы » мүгедектерге арналған коляска үш дана 170 Адамға кыста аяктары жылы жүрсін деп шұлык, және демеушілердің колдауымен аяка массаж жасайтын төрт дана кұрылғы берілді, Мешіт Әжелері Карттар үйіндегі Апаларға орамал силады. Өнер жұлдыздары катысып жырлармен термелер айтылды,
Кездесуде дін саласының қызметкерлері негізі адам бойында менмендік қасиет болатын болса, онда ол адамның бойында жаратушыға деген сенім әлсірейді дегенді айтты. Менмендік – адам бойындағы жағымсыз қасиеттердің бірі. Ондай адам тек өзінің түйсігіне, күйзелісіне, қызығушылығына көңіл аударады. «Менмендік – адамның міні» – деп Жүсіпбек Аймауытұлы айтпақшы, бойды бұл міннен, дандайсудан аулақ ұстау керек. Ұлы Отан соғысының ардагері, жазушы, Халық қаһарманы Қасым Қайсеновпен сұқбаттасып отырған Ахат Жақсыбаев былай деп сұрақ қойған екен:
– Қасеке, өмірде жек көретін нәрсеңіз не. Сонда қарт іркілместен:
– Өмірде ең жек көретін нәрсем – адам бойындағы менмендік қасиет.
Менмендік адамды меңіреу етеді. Ал, меңіреулік түбіңе жетеді, – депті
(А.Жақсыбаевтың «Қайтпас қайсар» атты сұхбат кітабынан).
«Үш нәрсе адамды бақытсыздыққа ұшыратады: сараңдық, қомағайлық және менмендік». Міне бұл дана, өткір сөздерді бабаларымыз айтып, ұрпағымыздың құлағына сіңіріп кеткен. Ұлттық құндылығымыз «Ұлық болсаң, кішік бол» деген қанатты сөз бар. «Ұлық» адам бойындағы қарапайымдылық жақсы, әйбат қасиет. Әрине, қарапайым, кішік боламын деп кісіліктен жұрдай болу, қарабайыр болу да қауіпті. Мінезсіз, тым ретсіз қарапайымдылық адамды бейшаралыққа, мүсәпірлікке айналдырады. «Қарапайым болыңдар, бірақ қарабайыр болмаңдар» деп бекер айтпаған. Тым қарапайымдылық адамды ынжық, күйрегіш етеді. Өйткені тіпті өзіне жақын бала-шағасы мен әйелі де оны менсінбей, пікірін елемей, қауқарсыз, үнсіз бейшара пендеге айналдырып жібереді. Демек, «кішік» болудың да өзіндік орны бар. Ал, жөнсіз кішік болсаң, жол жағасы – аяқ астындағы қауқарсыз бір түп шиге ұқсап кетесің. Ондай шиге ары өткен, бері өткен ит те сариды, көрінген мал да таптайды. Сөйтіп, ол келе-келе мүжіліп жоғала береді, бірте-бірте мүлдем жоқ болады, ізіде қалмайды. Ғұлама Әбу Насыр әл-Фараби «Адамға ең бірінші білім емес, тәрбие берілуі керек. Тәрбиесіз берілген білім адамзаттың қас жауы», деген екен. Ал, атам қазақ «Бидайдың кеудесін көтергені – дақылы жоқтығы. Жігіттің кеуде көтергені – ақылы жоқтығы» деген. Асанқайғы бабамыз «Арғымаққа міндім деп артқы топтан адаспа»,-деп бекер айтпаса керек. Абай мақтанышты адамның өркөкіректік, мақтаншақтық менмендік сияқты мінезінің жағымсыз сипаттарына қарсы қояды. Мақтанышты үлкендіктін, кісіліктің баламасы деп түсінген ақын: «Үлкендік – адам ішінен өзін-өзі бағалы есеп қылмақ. Мысалы, надан атанбастығын, жеңіл атанбастығын, мақтаншақ атанбастығын, әдепсіз, арсыз, байлаусыз, пайдасыз, сұраншақ өсекші, өтірікші, алдамшы, кеселді – осындай жарамсыз қылыктардан сақтанып, сол мінездерді бойына қорлық біліп, өзін ондайлардан зор есептемек. Бұл мінез – ақылдылардың, арлылардың, артықтардың мінезі», – деп тұжырымдайды. Жаратылысымыздағы ең алғашқы күнә тәкаппарлық болған еді. Ибн Асакир риуаят еткен хадисте былай делінген: «Тәкаппарлықтан сақ болыңдар! Расында Ібіліс Адамға тәкаппарлықтан сәжде қылмаған болатын». Шындығында да тәкаппарлық күнәні ең алғаш бастаған махлұқ Ібіліс болатын. Құран Кәрімде Ағраф сүресінің 11-13 аяттарында: «Расында сендерді жаратып сонан кейін бейнеледік. Сонан соң періштелерге: «Адамға сәжде қылыңдар!» дедік. Барлығы сәжде етті. Бірақ Ібіліс сәжде етпеді де сәжде етушілерден де болмады. (Алла Ібіліске): «Саған, Мен әмір еткенде сені сәжде етуден не тыйды?» – деді. Ол: «Мен одан артықпын. Мені оттан жаратып, оны балшықтан жараттың» деді. (Алла): «Онда ол жерден түс. Онда сенің менменсуіңе болмайды. Дереу шық, қор болушылардансың» деді. (Ібіліс): «Қайта тірілетін күнге дейін мұрса бер» деді. (Алла): «Щынында мұрса берілгендерденсің» деді. (Ібіліс): «Ендеше, мені қаңғыртқаның себепті әлбетте мен де оларға қарсы Сенің тура жолыңда отырып аламын» деді.
Сонан соң оларға алды-артына, оң-солынан келемін де олардың көбін шүкір етушілерден таппайсың», – деп келтірілген. Суфиян Сәури былай дейді: «Нәпсіқұмарлықпен болған күнәнің кешірілуіне үміт бар, бірақ тәкаппарлықпен болған күнәның кешірілуіне жоқ. Оның себебі, Ібілістің күнәсі тәкаппарлықтан болатын, ал Адам Атаның күнәсінің негізі құмарлықтан еді». Тәкаппарлық қандай дегенде ардақты Пайғамбарымыз «адамды менсінбеу» деп жауап берген екен. Жалпы көкіректік жалғыз адам үшін қауіпті емес, тұтас ұлтқа, мемлекетке, тіпті мәдениетке үлкен кесірі бар. Соның салдарынан жер бетінен жойылып кеткен халықтар болған. Тәкаппарлықта адам ақ қараны ажыратудан қалады, қоғаммен арадағы байланыста шектен шығады. Жаратушымен де мінәжаты дұрыс болмайды. Таразы басын тең ұстау деген қағиданың күші тәкаппарлық мінезде жойылады. Осылайша адамдар өркөкіректікке бой алдырса жаман қасиет тұтас қоғамды шарпып ақыры соңында әлеуметтік, рухани, экономикалық құлдырауларға ұласуы мүмкін. Ал ондай жағдайда мемлекеттің әлсіреп, түбінде оның құлауына әкеп соқтыруы ықтимал. Бір кездері әлемді билеген Мысыр патшалығы болғанын бәріміз жақсы білеміз. Мысырдың билеушілерін перғауындар деп атаған. Кезінде оларда да үлкен мәдениет болды. Алайда тәкаппарлық кесіренен бұл қауым жер бетінен жойылып кетті. Өйткені перғауындар өздерін өте жоғары ұстады. Тіпті менмендіктері шектен шығып өздерін біз құдаймыз деп жариялады. Бұл туралы Құран Кәрімде де айтылған. Тоһа сүресінде Перғауынды күнә жасауда тым қатты кетті делінген. Жалпы Ислам ғалымдары тәкаппарлықты үш түрге бөліп қарастырады. Біріншісі Аллаға тәкаппарлық. Ол Жаратушының әмірін орындамаумен немесе қайтарғанынан қайтпаумен көрініс табады. Аллаға қарсылық көрсету тәкаппарлықтың ең сорақы түрі. Өйткені ондай адамның ісі перғауынмен теңдей болады. Перғауын Құдайды менсінбей, оған бойұсынбай тәкаппарлық жасаған жоқ па?! Тәкаппарлықтың екінші түрі пайғамбарларға һ болған менсінбеушілік. Бұл жерде Елшілердің соңынан ермеу, олардың алып келгендерін жоққа шығару тәкаппарлықтың көрінісі болып табылады.
Осы іс шараға қаланың Бас имамы Бақдаулет қажы Нұрматұлының сәлемін жеткізіп, Ералы имам сауапты жайлы насихат айтып, қарияларымыздың батасын алып тарқасты.