Соңғы жылдары Бәйдібек ауданында көптеген нысандардың құрылысы жүргізілді. Аудан орталығы Шаян ауылында және бірқатар елді мекендерде абаттандыру, көгалдандыру жұмыстары қарқынды атқарылды. Әлеуметтік маңызы мектеп, медициналық және мектепке дейінгі білім беру мекемелерінде жөндеу, қосымша ғимараттар салу шаралары жүргізілді.
Мұндай жұмыстар биыл және алдағы жылдарға да жоспарланған. Осыған байланысты аудан әкімінің міндетін уақытша атқарушы Бағдатбек Жанғазиев Шаян ауылында құрылысы жүргізілетін бірқатар нысандарды қоғамдық тыңдауға ұсыну үшін аудандық қоғамдық кеңес мүшелері, ардагерлер кеңесі, билер алқасы және ауыл ақсақалдарымен кездесіп, пікір алмасты. Бұл туралы Бәйдібек ауданы әкімдігінің баспасөз қызметі хабарлады.
Кездесуде Бағдатбек Пердебайұлы Шаян ауылында құрылысы жүргізілетін дарынды балалар мектебі, орталық стадион, Ұлы отан соғысы ардагерлеріне арналған монументтің орналасатын жерлерін, ауыз су жүйесін және көгалдандыру жұмыстарын таныстырды.
Кездесу қорытындысымен айтылған ұсыныс пікірлер ескеріліп, ортақ шешімге келді.
«Келісіп пішкен тон келте болмас» дегендей, жиын,а қатысушылар алдағы уақытта ауданда жүргізілетін құрылыс жұмыстарды алдын ала талқылаудан өткізіп отыру жөнінде ұсыныс енгізді.