Ауылдарда қарқынды бау-бақша шаруашылығы қолға алынуда

Ордабасы ауданына қарасты ауылдық округтерде соңғы жылдары бау-бақша дақылдарын егу қарқынды жүргізілуде.

image.png

Мәселен, бір ғана Жеңіс ауыл округінде 54 гектарға бау-бақша егілген. Олар "Нұр" өндірістік кооперативі 8 гектар жерге алма ағашын, "Береке - 1" шаруа қожалығы 17 гектар аумаққа алма және сары өрік, "Оспан" шаруа қожалығы 5 гектарға алма ағашын, "Бекбердиев и К" жауапкершілігі шектеулі серіктестігі 14 гектарға алма ағашын, "Теңіз" шаруа қожалығы 10 гектарға алма және сары өрік еккен.

Аталған ауыл округінде шаруашылыққа қажетті су жалпы 5 канал арқылы келіп отырады. Бұл су көздерінің барлығы дерлік Арыс-Түркістан каналынан бастау алады.

Сондай-ақ, ауыл шаруашылық мақсатындағы жер телімін тиімді пайдалана отырып, екі өнім алып жүрген ауыл жастарының қатары көбейіп келеді.

Жерден ризық-несібесін іздеген еңбекқор жастың бірі – Қараспан ауылдық округіне қарасты Көлтоған ауылының тұрғыны Үмбет Мамытхан.

Бастапқыда 583 400 теңге грант алып, қияр өсіретін жылыжай кешенін салған іскер азамат кейіннен өз қаржысымен өндіріс көлемін ұлғайтқан. Қазіргі таңда «Мамытхан Ү» ЖК 8 гектар алқаптан жылына екі рет өнім алып, табысын еселей түсуде.

Бүгінде жобалық кұны 2 миллион теңгеден жоғары жылыжай кешенінде ауыл жастары маусымдық жұмыспен қамтылуда.

Мүмкін сізді қызықтыратын тақырыптар:

  • «Әлмерек Жаншықұлы және оның өнегесі» атты жыр мүшәйрасы
  • Ерекше балаларға ерекше қолдау керек
  • Жетісайда өнертапқыштар сайысты өтті
  • Ата-аналар үшін тренинг өтті
  • Сайрам ауданында оқушылардың іріктеу пікірсайысы өтті
  • Ақпарат

    • Rgmedia.kz ақпарат агенттігін есепке қою туралы № 16380-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер