Қазығұрт ауданындағы бөбекжай-балабақшаларында жазды есте қаларлықтай өткізу үшін түрлі іс-шаралар ұйымдастырылуда.
Атап айтсақ, соның ішінде, көңілді жазды керемет өткізу мақсатында «Балдәурен» бөбекжай - балабақшасы және «Зат» бөбекжай- балабақшасы арасында «Ой мен ойын» атты спорттық іс-шара ұйымдастырылды.
- Өскелең жас ұрпақ кемел адам болып қалыптасуы үшін оларды кішкентайынан спортқа, білім мен ойлау дағдыларын қалыптастыруға күш салудамыз. Сол ойын түрлері арқылы бойларына ұлттық тарихымыз бен мәдениетін, ұлттық құндылықтарымызды сіңіруге күш салудамыз. Олардың осы аталған құндылықтарды біліп өскені маңызды. Біз балаларға тәрбие берумен қатар, рухани дамуын, дүниетанымы кең болуын да қамтамасыз етуіміз қажет. Бұл бағытта Президент мектеп пен балабақша тәрбиеленушілерінің тұлға болып қалыптасуына ықпал ететін дәрістер ұйымдастыруды тапсырды. Осы бағытта балаларды ойын спорттық іс-шараларға тарту арқылы білім мен біліктілік дағдыларын бойларында қалыптастырудамыз. Бала ойынмен өседі. Ойнау арқылы дүние танымды таниды, - дейді шараның ұйымдастырушылары.
Мұнда тәрбиешілер «Достық», «Қыран», «Жасұлан» атты үш топқа бөлініп, өз ұстанған ұрандарымен ортаға шықты. Спортпен қатар ой ұшқырлығы, білім жарыстарында бақ сынасты.
Бойдағы қорқыныштарын қаншалықты жеңе алатындығына көз жеткізу мақсатында «Бұл не?» ойыны ойнатылды. Бұл іс-шараның басты мақсаты ынтымақ, бірлікпен топта жеңіске бірге жету болғандықтан, «Жасұлан» тобы толық ұпаймен алға озып жеңіс тұғырынан көрінді. Тәрбиешілер балалардың өнерінен, біліктілігі мен ептіліктеріне сүйсіне отырып тамаша әсерге бөленген болатын.
