Сайрам ауданындағы «Болашақ» лагері балалар мен жасөспірімдердің жазғы уақытта демалысы мен сауықтырылуын дұрыс ұйымдастыра білді. Лагер басшылығының айтуынша, Сайрам ауданындағы «Болашақ» лагері мемлекеттік коммуналдық қазыналық кәсіпорның теңгерімінде.
Жазғы сауықтыру лагерінің сыртқы аумағына 1240 түп ағаш отырғызылған, ғимараттың жан-жағы қоршалған, экологиялық таза аймақта орналасқан.
Лагерде 314 орындық 4 жатақхана корпусы бар, əр жатақхана ғимаратында барлық жағдай жасалған, асхана, медициналық пункт, кір жуатын бөлме, жуыну бөлмесі бар. Одан бөлек, балалардың дене шынықтыруымен айналысуы үшін футбол, волейбол жəне баскетбол алаңдары, жаттығулар кешені, əткеншектер, спорттық жəне мəдени шаралар өткізуге арналған сахна жəне жүзу бассейні жасақталған.
Дезинфекция және дезинцекция, дератизация жұмыстары жүргізіліп, химиялық және бактериялогиялық зерттеу, судың радиобелсенділігің зерттеу жұмыстары тексеріліп, нәтижесі алынды. Лагерь аумағында тәулік бойы 3 күзетші кезектесіп жұмыс істейді.
Жазғы сауықтыру кезінде 8 ауысымда жұмыс істеді. Лагерде оқушылардың демалысын қызықты өткізуге бағдарлама жасалынған, сонымен қатар түрлі спорттық жарыстар, байқаулар мен кездесулер, танымдық ойындары жүргізілуде. Лагерь бір мезгілде 314 баланы қабылдайды. Балалардың жасы 7-мен 14 жас аралығында.
Осы жылға аз қамтамасыз етілген отбасынан шыққан және көп балалы ата-ана балалары - 2131 бала , мүмкіндігі шектеулі -69 бала, ата-ана қамқорлығынсыз қалған -61 бала, мектеп интернатынан -151 баланы,ата-аналар төлем ақысынан -100 бала, яғни барлығы 2512 баланы демалдырылды.
Тəрбиешілер, дəрігер, медбике, музыка сүйемелдеушісі, денешынықтыру тәрбиешісі, аспаздар және техникалық қызметкерлер жұмыс жасауда. Балаларға нормативтік құжаттардың талаптарын сақтай отырып, балалар күніне 5 мезгіл тамақтандыру (үш мезгіл ыстық тамақ, 2 мезгіл түскі шәй (полдник) берілуде.
Оқушыларға әр ауысымның демалу мерзімі кестемен бекітіп, жоспарға сәйкес жүзеге асырылуда. Қазірге таңда 7 ауысымға 2198 бала қабылданды. Соңғы ауысым тамыз айының 19 басталып -27 тамыз күні аяқталады.
