Түлкібас ауданында ерекше дарынымен көзге түсіп, білім мен спорт сайыстарында топ жарып жүрген шәкірттер көп-ақ. Білім мен спортты серік еткендердің де жетістігі аз емес. Соның ішінде аудандағы Асанбай Асқаров атындағы мектепті ерекше атап өтуге болады.
Таяуда Өзбекстанның Хиуа қаласында өтіп жатқан гір тасын көтеруден жастар арасындағы әлем чемпионатына қатысып, еліміздің намысын қорғаған аталмыш мектептің оқушылары керемет жетістіктерге жетіп, бірнеше алтын, күміс, қола медальдарға ие болды. Атап айтқанда, 10 сынып оқушысы Үсейін Рамазан - 1 орын, әлем чемпионы, Аманкелді Мөлдір -3 орын, 9 сынып оқушысы Алпамысов Бауыржан- 2 орын алса, мектептің бітіріп кеткен түлектер Мұхаметжан Жанадыл мен Нұртас Сағынғали 1 орын алып, әлем чемпиондары атанды! Бұл оқушыларды, жастарды спортқа, оның ішінде гір тасын көтеру спортына баулып, тәртбиелеп , үлкен жетістіктерге жетелеп жүрген тәжірибелі бапкер Рүстем Алпамысовтың да жеңісі деп білеміз.