Түркістан облысы Білім беруді дамыту орталығының ұйымдастыруымен «BOLASHAQ» «Халықаралық бағдарламалар орталығы» акционерлік қоғамымен бірге «Өскенде кім боласың?» кәсіби бағдар беру мен мамандықты таңдауға көмектесу жобасы болып өтті.
Мақсаты: әрбір оқушының қабілеттілігі мен бейімділігін ескере отырып, кәсіптік қызығуы мен қабілеттілігін қалыптастыруға және мамандық таңдауға көмектесу.
Жобаның тиімділігі оқушы өзінің табиғи әлеуеті мен танымдық мүмкіндігін таниды; ішкі қажеттіліктері және бейімі негізінде кәсіп жолын анықтайды.
Тікелей эфирге Facebook желісі арқылы «BOLASHAQ» халықаралық бағдарламасының түлектері, Сайрам, Сауран ауданының жалпы орта мектептерінің (9-10-11 сынып) оқушылары, олардың ата-аналары қатысуда. Қатысушы ауданға алдын-ала сілтеме беріліп отырады. Барлық эфирді Білім беруді дамыту орталығының парақшасынан көруге болады.
Алғашқы эфирге "Халықаралық бағдарламалар орталығы" АҚ менеджері Садық Әсел Тәңірбергенқызы, «Ы.Алтынсарин атындағы дарынды балаларға арналған облыстық қазақ гимназия-интернаты» ағылшын тілі пәнінің мұғалімі Акшулакова Бибигуль Кайратовна, Түркістан қаласы Назарбаев Зияткерлік мектебінің директоры Түсіпжанов Айдын Елеусізұлы қатысты.
"Халықаралық бағдарламалар орталығы" АҚ толық ақпарат беріп қатысушылармен кері байланыс жасап, ашық пікір алмасып түлектер, ата-аналар өздерінің қызықтыратын сұрақтарына жауап алды.