Түркістан облысы, Шардара аудандық білім бөліміне қарасты А.Әлімбетов атындағы жалпы білім беретін мектебінің мұғалімдер күні мерекесіне орай "Ұстаздық еткен жалықпас" тақырыбында 10 күндік іс-шара жоспарына сәйкес спорт үйірме жетекшілерінің ұйымдастыруымен «Шынықсаң шымыр боларсың» атты спорттық эстафета өткізілді. Эстафета мақсаты: Педагогтар арасында көңілді старттар ойынын өткізу арқылы, педагогтардың көңіл күйлерін көтеріп, спортқа деген қызығушылыққа, шығармашылыққа үйрету. Өз командасы үшін жанкүйер болып, командалық көңіл-күйге, бір-біріне деген ынтымақтастыққа, бірлікке шақыру.
Сондай-ақ аталған білім ошағында іс-шара аясында «Қылқалам» сурет үйірме жетекшісі С.Тұрсынбаевтың ұйымдастыруымен «Ұстазым – ұлағатым үлгі өнегем» тақырыбында сурет көрмесі өткізілді. Сонымен қатар ұстаздардың мектеп және студент шақтарында түскен суреттерінен фото көрме ұйымдастырылса, «Қолөнер» үйірме жетекшісі Г. Әбдіманапова бүктеме жасауды ұйымдастырды.
Және де "Ұстаздық еткен жалықпас" тақырыбында 10 күндік іс-шара жоспарына сәйкес 25.09 – 05.10 күндері аралығында айналасына білім, тәрбие ұрығын шашып,адамгершілік нұрын төгетін ұлы тұлға ұстазға құрмет көрсету,лебіз білдіру,адамгершілік қасиеттерге тәрбиелеу мақсатында «Өлкетану» үйірме жетекшісі И. Құдайбергенованың ұйымдастыруымен «Ұстаз аты - биік әрі мәңгілік» тақырыбында 5 – 11 сыныптар аралығында қабырға газетін ұйымдастырды.